UN NADAL CON CLÁSICOS

 Καλά Χριστούγεννα ou Feliz Nadal é o desexo do alumnado de Cultura clásica de 4º ESO que vos recomendan para estas vacacións libros de mitoloxía, de historia, de gastronomía, de poesía ou narrativa. Todas estas lecturas están relacionadas con Grecia e coa mitoloxía do mundo clásico. Lecturas moitas veces esquecidas e que é necesario recordar.

Tamén os Karabakis traen esas recomendacións lectoras. Os karabakis ou barquiñas son o adorno tradicional das illas e zonas costeiras gregas. Unha maneira de recordar o tema do PDI, Illas peregrinas.

Un Nadal clásico

LE NO NADAL

O alumnado tamén recomenda lecturas para este tempo de vacacións. Carlos propón ler Stranger Things, Seis. Este cómic conta a vida dunha adolescente con poderes; ademais, hai cousas sobrenaturais como monstros ou portais a outro mundo. Recomenda este libro a persoas ás que lle gusta o suspense. Nunca sabes o que pasará.

Shaila recomenda Cores prohibidas, porque é unha lectura para aprender que todas as persoas somos iguais máis alá da súa cor de pel; todas temos os mesmos dereitos e debemos respectarnos.

LECTURAS PARA O NADAL

A árbore de Nadal da Biblioteca estaba cargada de recomendacións lectoras.

Ademais, queremos recomendar uns libros moi especiais. Seguro que coñecedes a Fernando, profe de Física e a Noa e a Andrea, profes de Lingua galega. Pois tamén escriben; por iso, estes libros son imprescindibles. Se vos gusta a música, a narrativa ou a poesía e tedes inquedanza por escribir, seguro que vos darán uns consellos😉

Lecturas para o Nadal de Biblioteca Castro Alobre

FESTA MULTICULTURAL

Despedimos o trimestre cunha Festa multicultural organizada polos correspondentes.

ALBERTO AMARO

Alberto Amaro, xornalista mexicano, compartiu co alumnado de 4º ESO a súa historia. Unha historia que non deixou indiferente a ninguén. Como el mesmo dixo, a realidade é moito peor que as películas. Referíase a súa propia vivenza como xornalista ameazado por querer contar a verdade sobre a corrupción ou os crimes do seu país. Falounos, tamén, da importancia da liberdade de expresión.  

Hai dous meses que vive en Asturias. Deixou México, axudado por Amnistía Internacional, para protexer a súa familia e, por suposto, a el mesmo. Escoitamos un relato moi duro, terrible, que nos deu que pensar e reflexionar. Seguro que, agora, o noso alumnado vlaora máis a liberdade da que goza.

alberto Amaro de Biblioteca Castro Alobre