mércores, 3 de xullo de 2019

EPDLAB: APRENDENDO A SER MELLOR

Rematado o curso, chegan as valoracións e nada mellor que este vídeo resumo dos obradoiros nos que participou o alumnado de 3º PMAR, para comprender a importancia deste proxecto.
Podedes consultar todos os obradoiros realizados nesta ligazón
https://epdlab.gal/institutos/ies-castro-alobre/.

Grazas, Agareso, por darnos a oportunidade de participar nel.

luns, 17 de xuño de 2019

AHORA HABLAMOS NOSOTRAS

Ahora hablamos nosotras é un proxecto interdisciplinar desenvolvido polo departamento de Grego, Plástica e Tecnoloxía. Este proxecto pretende reivindicar a actualidade da cultura clásica e presentala dun xeito visual, dinámico e interactivo, capaz de comunicar co alumnado.
Este é un resumo da exposición.


Estos son os pósters elaborados polo alumnado de 1º e 2º de bacharelato, que inclúen o audio que dá voz ás mulleres. Tamén incluímos os textos creados polo alumnado.







E este é o proxecto no que podedes consultar as tarefas desenvolvidas polos departamentos implicados.


venres, 14 de xuño de 2019

DISTINTAS FORMAS DE COMUNICACIÓN

O departamento de castelán desenvolveu variados proxectos co seu alumnado:
- La voz del tiempo
- Comunicándonos con el sur
- bibliomedia_lcl_2019
- El periódico habla de comunicación
- Informativos

Como mostra destes traballos un fermoso mural elaborado por alumnado de 2º ESO


E dous informativos do alumnado de 1º de bacharelato A.

A PLASTICIDADE DOS MEDIOS

O departamento de Plástica desenvolveu diferentes proxectos co seu alumnado:
- As persoas e os medios de comunicación
- O teléfono nas distintas épocas
- O pictograma: a evolución do teléfono





                                     

AS MATEMÁTICAS E OS MEDIOS DE COMUNICACIÓN

O departamento de Matemáticas sumouse ao proyecto da biblioteca con As matemáticas e os medios de comunicación traballado en todos os grupos da ESO.
Un exemplo das tarefas realizadas sería este vídeo, simulando un informativo con distintas seccións nas que aparecen aspectos matemáticos. O alumnado que participou na súa elaboración foi 4º ESO A.

APRENDENDO A COMUNICAR COA FALA

O alumnado de galego desenvolveu o proxecto afondando na estrutura dos textos expositivo-argumentativo e preparando debates.



xoves, 13 de xuño de 2019

martes, 11 de xuño de 2019

MENTIRAS SOBRE OS ROMANOS

As fake news ou noticias falsas xa veñen de lonxe. O alumnado de Latín de 4º ESO B traballou sobre algunhas mentiras da Roma antiga aceptadas como feitos históricos reais.


A MÚSICA, MEDIO DE EXPRESIÓN DE...

O alumnado de 1º de bacharelato de Linguaxe e práctica musical tamén fixo a súa aportación ao PDI da biblioteca. Co seu traballo buscaba a reflexión sobre a música que consomen e o seu potencial como medio de comunicación.


OS MEDIOS DE COMUNICACIÓN EN...

O departamento de Bioloxía desenvolveu tres proxectos vencellados ao PDI coordinado pola biblioteca:
- Os medios de comunicación nos seres vivos
- Os medios de comunicación. Revistas científicas
- Ciencia e televisión

Amosámosvos o traballo realizado polo alumnado.


Para ver o traballo completo preme aquí

venres, 7 de xuño de 2019

OS MEUS CONTOS FAVORITOS

Hoxe foi a despedida do Club de lectura inclusiva ata o próximo curso e nada mellor para festexalo que unha sesión de contacontos. 

Para que se le? preguntou Cris de Caldas, a nosa convidada. Unha boa maneira de comezar esta xuntanza. O que nos quedou claro é que, como ela ben dixo, conta contos para pasalo ben. E hai que recoñecer que tamén nós pasamos un rato moi agradable con sorrisos e sorpresas. 

Os seus contos de lobos, de ogros, de bruxas, de princesas e príncipes nos fixeron rir. Os finais foron inesperados e sorprendentes, unha reinterpretación da tradición. Tamén nos contou contos de tradición oral que son "contos de imaxinación e obras de arte".

Agradecemos a esta contadora de historias este fermoso final dunha actividade na que aprendimos moito. Foi marabilloso compartir lecturas coas persoas do centro con Eles e co alumnado de Educación Especial, que hoxe, por mor do mal tempo, non puido asistir. Unha mágoa!

Volveremos en outubro con estas xuntanzas porque "a imaxinación que todos temos, voa cando lemos", como dixo Cris.

E rematamos co desexo desta fabulosa contadora que, por
suposto, compartimos "moitas lecturas ao longo das vosas vidas".

Feliz verán

martes, 4 de xuño de 2019

TECENDO HISTORIAS

O día das Letras no Alobre a biblioteca propuxo un obradoiro para tecer o "tapiz da comunicación". Vencellado ao proxecto documental integrado deste curso, o alumnado de 2º  de ESO tecía, mentres o de 4º escribía relatos que tiñan como protagonistas a mulleres. O resultado, un tapiz que, como os da Idade Media, contaba historias.

              

Ademais desta, houbo moitas máis actividades como os murais literarios, nos que o alumnado deu mostras de gran creatividade. Amosámosvos algún destes murais.






E Eduardo Sáenz de Cabezón, matemático e monologuista, deixou a súa pegada no libro de sinaturas da biblioteca.


martes, 28 de maio de 2019

ENTREGA DE PREMIOS

O concurso Biblio.com chegou ao final. Agradecemos ao alumnado a súa participación. Especialmente, queremos recoñecer o traballo da última proba: o vídeo de booktuber. Todos os presentados estaban xenial.

Finalmente, os premios foron para...


                               1º. Elena Ferreiro
                               2º. Lucía González
                               3º. Daniel Vicente










E estes son os vídeos do primeiro e terceiro premio.
Parabéns!!

BIBLIO.COM: PUNTUACIÓNS FINAIS


IGUAIS NA DIVERSIDADE

Nesta nova sesión do Club de Lectura inclusiva coñecemos un pouquiño máis ás persoas do centro Con Eles. O alumnado de 3º deuse conta de que compartían gustos, afeccións, retos. Esta é a grandeza deste Club, Iguais na diversidade


xoves, 16 de maio de 2019

LGTB

Cando deixaremos de ler estes titulares nos xornais? 
Apoio incondicional a todo este colectivo e, por suposto, ao noso grupo de Diversidade afectivo sexual e a súa coordinadora, Paloma, para que siga adiante normalizando esta situación.
Equipo de biblioteca




DÍA DAS LETRAS GALEGAS

Este ano o Día das Letras Galegas está adicado a Antón Fraguas.



“Esta muller ( mamá Antonia) era analfabeta, non sabía ler nin escribir, pero coñecía os costumes. Sabía oracións, coplas e contos. Moitos dos que eu coñezo ensinoumos ela. Foi a miña gran mestra”.  
"A miña modesta obra non é máis que un pequeniño gran de area no montón que foron facendo todos aqueles que, de moi distintas maneiras e cadaquén ó seu xeito, traballaron ó longo dos anos, traballan agora e seguirán traballando arreo no futuro, sempre desinteresadamente, non máis que polo ben de Galicia. Por amor á nosa Terra".
Recomendamos  estas lecturas.





venres, 10 de maio de 2019

AMOR AMARGO

Nesta Semana Escolar contra a Violencia de Xénero (do 6 ao 10 de maio), o alumnado de 3º PMAR está a ler Amor Amargo, un libro de Xosé A. Perozo, editado polo Concello de Vilagarcía de Arousa. Esta historia, protagonizada por mozos e mozas de idades próximas ás dos nosos lectores e lectoras, será o punto de partida dun debate acerca de como se debe afrontar a vida en parella nestas idades e, por suposto, ao longo de toda a súa vida.
O alumnado ve reflectidas nos protagonistas condutas ben coñecidas: a submisión total de Ana, a moza namorada, o aillamento das súas amizades, as desculpas pola actitude de Uxío; pero tamén, a imposición e o control total do mozo. As advertencias do grupo de amigos e amigas de Ana e os intentos de abrirlle os ollos non evitarán que Ana sufra en carne propia o abuso deste xoven maltratador.








venres, 3 de maio de 2019

ENCONTROS NA BIBLIOTECA


Agradecemos a Manuel Esperón e a Iñaki Fernández de 1º de bacharelato A a gravación do vídeo.

MEMORIA DO SILENCIO

O club de lectura do profesorado compartiu mesa con Eva Mejuto, autora de Memoria do silencio, para achegarlle a súa visión desta intensa obra.


Despois fixeron un roteiro por Pontevedra guiado por María Xesús López Escudeiro.


Agradecemos ás dúas esta marabillosa xornada.