De novo, a música foi protagonista na biblioteca. Carlos e Cris ensináronlle a un grupiño de alumnas e alumnos como misturar a música. Pasárono xenial e xa nos están dicindo que hai que comprar o necesario para pór en práctica o aprendido.
Grazas, Carlos e Cris, por facelos interesarse polo mundo da música.
Despois da primeira xuntanza do Club de lectura de ciencia ficción, Marisa e Fernando, membros do equipo da biblioteca, viaxaron a Porto e visitaron a Librería Lello. A súa visita convida á lectura e, como non podemos levar ao noso alumnado, mandáronnos un pequeno vídeo no que, ademais, vemos o libro de George Orwell, 1984, que xustamente están a ler no club.
E xa temos un novo podcast o Especial Samaín.
Este Samaín converteuse nunha celebración da diversidade cultural na Biblioteca do Castro Alobre. O equipo de Correspondentes gravou un podcast no que o alumnado de 1º e 2º da ESO compartiu as lendas e tradicións das súas familias, procedentes de lugares tan distintos como Galicia, Arxentina, Venezuela, Uruguai, Bulgaria, Hungría ou da comunidade xitana.
No ano Castelao queremos propoñer ao alumnado un concurso no que se debe elixir un dos tres diálogos, que presentamos, e representalo. Unha maneira de homenaxear a Castelao.
Entre visillos de Carmen Martín Gaite transportounos a uns anos atrás que parecen lonxanos, pero non o son tanto. Unha lectura que gustou e que nos recordou a vida das nosas nais ou avoas. As aspiracións das mulleres, a dificultade en romper coas normas impostas ou o sufrimento calado son algúns dos temas que planean nesta lectura.
Convén non esquecer esta forma de vida, para poder valorar como se merece a loita de moitas mulleres. Grazas a elas, podemos desfrutar da vida que temos hoxe.
Hipólito de Eurípides foi a outra lectura coa que se atreveron algunhas Curuxainas. Volvemos á traxedia grega, despois de ter lido Medea. Impactante monólogo de Hipólito, o papel da nodriza como celestina, a terrible decisión de Fedra e, por suposto, a intervención desa deusa Afrodita que, para vingarse de Hipólito, utiliza a Fedra. Divinidade vingativa.
1984 é o libro de George Orwell que xa está lendo o club de ciencia ficción. Para empezar, podemos afirmar que esta é a vida antes do club de lectura
Na Biblioteca temos a exposición de libros de terror para animar a ler ao alumnado ao que gustan estas historias. Tamén pretendemos conseguir novos lectores e lectoras. Todo un reto!!
Libros de medo. Samaín de Biblioteca Castro AlobreActividades varias tivemos na Biblioteca neste día de medo, bruxas e mortos. Coas portas adornadas, fixemos recomendacións lectoras, houbo diversos obradoiros e un concerto de música de terror a cargo do alumnado de 4º ESO, dirixido polo profesor Ismael.
Este Samaín tivemos unha porta de entrada á Biblioteca moi fermosa. A súa creadora foi Noa Pérez, membro do equipo de Biblioteca e profesora de Lingua galega. Ademais, recordamos a Castelao no 75 aniversario da súa morte.
Todo o equipo está moi orgulloso de contar con tanto talento neste pequeno grupo.😍
Diseño de Biblioteca Castro AlobreAsí anunciou o alumnado a chegada do Samaín á Biblioteca, convidando a mozos e mozas a pasar unha mañá de medo.👻👾💀
Neste día das Bibliotecas e en todos os demais, Vén á Biblioteca!!!
Falounos da súa rutina cando está de xira e explicounos cousas moi interesnates da música popular arxentina. Tamén non interpretou diferentes pezas polulares, e mesmo ensinou unha peza ao alumnado para que cantase con el.
Esta actividade está enmarcada dentro da colaboración que a Biblioteca está a levar co Departamento de Música e, coma sempre, agasallámolo con produtos da zona.
Durante a visita, o alumnado tivo o privilexio de contar coa presenza do alcalde de Vilagarcía, Alberto Varela,que foi entrevistado por Bruno, Joel, Madeleine, Damián, Helena, Antón e Sofía. O alcalde respondeu con cercanía a todas as preguntas e contou que el mesmo estudara no IES Castro Alobre, lembrando canto cambiou o centro desde aquela etapa.
Esta actividade foi posible grazas á nosa participación nos Premios José Hermida, que nos permiten seguir aprendendo e coñecendo o mundo radiofónico.
Aquí podedes escoitar o podcast.
