Hoxe, recibimos unha grata noticia. Sira Vidal, profesora de Lingua galega hai uns anos no noso centro, foi a gañadora do XI Certame de Relatos de Muller Matilde Bares, convocado polo Concello de Bueu. O seu relato "O espertar do teu nome" aborda a emigración vivida polas mulleres en Galicia.
Este premio, recibido pola nosa compañeira, lévanos a lembrar, tamén, o seu magnífico labor á fronte do Club de lectura A curuxaina. Lecturas diversas, xuntanzas con escritores e escritoras, roteiros literarios foron algunhas das súas incansables propostas, para reunir ao alumnado nun faladoiro de libros e, tamén, ao profesorado arredor dunha boa mesa ou dun café. Momentos agradables de lembranzas lectoras.
Parabéns, Sira, e quen sabe se algún día estaremos a comentar a túa obra?
Ningún comentario:
Publicar un comentario