martes, 13 de novembro de 2018

CLUB DE LECTURA PROFES





O pasado mércores 31 de novembro, o Club de Lectura do profesorado reuniuse para comentar “A crueldade de abril”, de Diego Ameixeiras. Todos estivemos de acordo en suliñar a capacidade do autor por describir e afondar nas tebras sociolóxicas e psicolóxicas da realidade. Os seus personaxes,  escuros e tráxicos, non deixan ningún recanto de acougo dentro da trama. A dor impregna casi todo o relato, deixando que se filtre moi pouca luz.
            O ritmo narrativo estrutúrase en capítulos breves, “disparos” cheos de negrura que adoitan rematar fronte a un abismo de desacougo. Alguén comentou que o autor escribe guións de cine, e perfectamente entendimos a súa tendencia por cabalgar de imaxe en imaxe de forma rápida e fluida, a axilidade, a síntese estilística.
            O tratamento do sexo, instintivo, puramente naturalista e urbano, é perfectamente coherente cos personaxes. Algún percibiu, non obstante, certas incoherencias formais que poderían debilitar á obra no seu conxunto: En primeiro lugar, os diálogos son, as veces, demasiado cultos e complexos para que o tipo de persoas que se están a describir.  Ademais, o remate da trama é un pouco simplón é acelerado. Recurre a un tópico que utiliza dentro da historia sin demasiada xustificación; facendo que a historia perda relevo. Falta afondar no porqué de tanta violencia, non chega con describila; parecería que faltase unha peza esencial no corazón mesmo da obra.
            Para o seguinte encontro, propusimos “Cosas que los nietos deberían saber”, de Mark Oliver Everett. A ver que tal!!



Ningún comentario:

Publicar un comentario