MENORES SOLDADO

A Biblioteca quere unirse á conmemoración de dous días importantes:

- o 30 de xaneiro, Día Escolar da Non Violencia e a Paz

- o 12 de febreiro, Día Internacional contra o Uso de Menores Soldado

Queremos que coñezades testemuños de nenos e nenas soldado que aínda se seguen a recrutar, segundo datos da ONU, en dezasete países. Testemuños realmente arrepiantes, que nos achegan ás atrocidades e ao sufrimento vivido por uns 300.000 menores.

Que estes documentos escritos e visuais nos sirvan para reflexionar.

Menores Soldado

Accede desde aquí aos vídeos

2ª PARADA: ÁFRICA

Sherpa lévanos agora ao continente africano. Nesta fermosa terra empezaredes a descubrir interesantes pobos. Quizás algún ou algunha de vós, despois de facer a proba, querades investigar máis a fondo a forma de vida dalgún deles. Seguro que paga a pena!

Non esquezades que este venres publicaremos as puntuacións no Caderno de Bitácora. Subide á biblio e botádelle unha ollada.

Boa viaxe, aventureiras e aventureiros.

Viaxe nº 2: Cous Cous

INICIAMOS A VIAXE!

Iniciamos a viaxe desde o IES Castro Alobre e lembramos, nesta primeira proba, a Xulio Verne. A nosa guía nesta aventura será Sherpa, gran coñecedora das culturas indíxenas dos distintos continentes.

Acompáñanos nesta viaxe e axúdanos a Coñecer estes pobos, a Visibilizalos e, por suposto, a Defendelos.

1ª Viaxe: Iniciamos a viaxe!

AO BIBLIORESCATE!

Iniciamos un novo concurso da biblioteca, que vos levará a unha viaxe en globo a través dos cinco continentes. Acompañados por Sherpa, a nosa intrépida aventureira, partiremos do Castro Alobre cara culturas, moitas veces, descoñecidas. O obxectivo é rescatar do esquecemento aos pobos indíxenas e minoritarios que, este curso, se converteron no noso centro de atención.

Cada participante debe ter un Pasaporte Aventureiro e estar disposto a afrontar todos os retos que plantexemos.

O premio? Tamén o hai! Despois de oito longas viaxes, todo esforzo debe ter unha recompensa.

Participade!