CELEBRAMOS SAMAÍN NA BIBLIOTECA!

 Este venres no recreo tivemos unha gran festa na biblioteca, un grupo de cuarto deu un pequeno concerto co profe de música Ismael e despois fixemos a entrega de premios aos dous concursos que tivemos este mes: "PORTADAS TOLAS"o concurso para 1º de ESO, os traballos presentados foros tan bos que todos tiveron premio . Parabéns! Aqui redes algunhas das portadas: 

    O concurso de Tumbas e Epitafios  tivo un gran  éxito, e foi moi complicado escoller as gañadoras... había epitafios divertidos e tamén arrepiantes e tumbas que eran verdadeiras obras de arte... Temos grandes artistas no noso centro.

E aquí redes vídeo feito pola profe Marisa que resume toda esta celebración.

XORNADAS DE FORMACIÓN DE USUARIOS

    Como cada curso o alumnado de 1º de ESO pasou pola biblioteca para saber como funciona e ver todo o que podemos facer nela. Viñeron con Ana e Carlos de lengua Castelá e despois de ver unha pequena presentación buscaron os erros que tiñan unhas portadas moi tolas creadas para a ocasión por Fernado o profe de Física e Química que pertence ao equipo da biblioteca. Que ben o pasaron descubriendo as interferencias entre 

Para finalizar a formación de usuarios e usuarias o equipo de Biblioteca organizou un concurso para crear "Portadas tolas" entre o alumnado de 1º de ESO...Anímate a participar e gaña merendas na nosa cafetearía!!

HEROES GREGOS

 O alumnado de Grego de 1º de bacharelato elaborou unhas preguntas sobre Hércules e Aquiles para unha actividade da biblioteca escolar pensada para 1º ESO. O alumnado debía buscar na sección de Mitoloxía (CDU 29) os libros seleccionados na bibliografía e atopar a información que se lles pedía.

Esta actividade tamén quería amosar esta atractiva sección ao alumnado.

Os heroes da mitoloxía grega 

NOVA FORMACIÓN

O luns tivemos unha nova formación na Biblioteca. O alumnado de 1º ESO C aprendeu a localizar os libros e informámolo de todas as actividades que propón a biblioteca. Esperamos a súa participación e as súas suxestións!! 

FORMACIÓN NA BIBLIOTECA

Comezamos xa a formación de alumnado usuario. 1º ESO E foi o primeiro en vir á biblioteca. Informamos aos alumnos e alumnas das normas de préstamos, ensinámoslle a localizar os libros e convidámolos a participar nas actividades que organiza a biblio. 

Para rematar, tiveron que facer unha sopa de letras para buscar personaxes de libros.

ILLAS PEREGRINAS

Xa temos a recompilación das Illas peregrinas. Esta é unha selección da aportación do alumnado de 1º ESO ao Proxecto Documental Integrado deste curso. Despois da formación como usuarios e usuarias tiñan que buscar libros relacionados con illas e debuxar algunhas das que lle propoñíamos. Tamén tiñan que inventar un título. Este foi o resultado.

DÍA DAS BIBLIOTECAS

Nada mellor que festexar o Día das Bibliotecas que convidando ao alumnado á nosa. Así que decidimos facer a formación de usuarios e usuarias de 1º ESO. O equipo de biblioteca informou das normas, dos préstamos e, sobre todo, promocionamos as lecturas que lle poderían gustar. Ademais, falamos dos concursos e actividades. Finalmente, centrámonos no PDI deste curso "Illas peregrinas", tema que está a desenvolver o Erasmus+. O alumnado debía debuxar unha das illas que lle propoñiamos e inventar o título dun libro relacionado con este tema. 

VISITANDO A BIBLIOTECA

O alumnado de 1º ESO A visitou a biblioteca acompañado por Andrea, a súa titora. Despois de moitos atrancos que impediron a súa formación no primeiro trimestre, por fin, puidéronse achegar. 

Nunca é tarde para compartir lecturas e xogos literarios.

SEGUIMOS COA FORMACIÓN

Seguimos coa formación de usuarios e usuarias. Esta vez foi a quenda de 1º ESO E. Tamén este alumnado atopou os libros que levaban a adiviñar o nome do PDI deste curso. Parabéns!!

DÍA DAS BIBLIOTECAS

O 24 de outubro é o Día das Bibliotecas, así que aproveitamos para que a rapazada de 1º ESO veña á Biblioteca. Estes días seguiremos facendo a formación de usuarios e usuarias. Informaremos do funcionamento, das normas, dos préstamos, das actividades que realizamos..., de todas esas cousiñas que debe coñecer o alumnado que, por primeira vez, chega ao noso centro.

O alumnado de 1º ESO B foi o primeiro en "formarse" e pasar un rato agradable, facendo un acróstico. Tiñan que buscar títulos de libros e nomes de personaxes para averiguar o tema do PDI deste curso. E conseguírono!!!

CREANDO PORTADAS DE LIBRO

Para conmemorar o Día das Bibliotecas, nada mellor que convidar ao alumnado de 1º ESO a unha sesión de formación. Tras darlle a coñecer os recursos que podían pedir en préstamo, as normas de funcionamento e as actividades que realizamos, os alumnos e alumnas tiveron que deseñar a portada dun libro e poñerlle título. Descubrimos grandes talentos!

FORMACIÓN DE USUARIOS E USUARIAS

Esta semana o alumnado de 1º ESO pasou pola biblioteca, para explicarlle polo miúdo o seu funcionamento. A actividade final consistiu na busca de libros, tendo en conta a signatura, e na localización dunha foto de persoas con capacidades diversas, que tiveron que colocar no símbolo do proxecto documental integrado deste ano "Todos e todas +".

                      

 

                                 

 

FORMACIÓN DE USUARIOS E USUARIAS

Como todos os anos, convidamos ao alumnado de 1º ESO á Biblioteca para explicarlle o seu funcionamento, darlle a coñecer os recursos e desenvolver algunha actividade de formación. Deixamos, como recordo desta actividade, unhas fotos.

Formación de usuarios e usuarias de Biblioteca Castro Alobre

Formación de usuarios e usuarias de Biblioteca Castro Alobre