martes, 19 de novembro de 2019

BIBLIOTECAS DE AULA

Hoxe estivemos vendo as bibliotecas de aula de 1º e 2º ESO. Xa sabedes que, nestes cursos, o alumnado debe levar libros para a Hora de Ler e crear unha biblio ordenada. A final de curso, o grupo coa biblioteca mellor valorada gañará unha merenda na cafetería do centro. 

De momento queremos felicitar a 2º ESO A pola coidada biblioteca que ten e agradecemos a súa titora Solange a implicación nesta tarefa. Parabéns!


luns, 18 de novembro de 2019

EL MAR Y LA SERPIENTE

El mar y la serpiente trata sobre una niña que, siendo muy pequeña, vive la desaparición de su padre. Ella y su madre llevan, desde entonces, una vida difícil y dura, con mucho miedo y continuas mudanzas. Finalmente, terminan en Buenos Aires donde la niña crece y, cada vez, tiene más dudas  y hace más preguntas sobre la desaparición de su padre. En la ciudad, unos soldados se llevan a la madre. Estuvo dos meses desaparecida "por los mismos motivos que todos los demás" y, en ese tiempo, en el "pozo" le hizo una serpiente a su hija. En la niña que, al principio, se sentía triste y confundida, va creciendo el enfado,  la rabia y la necesidad de saber. Finalmente, la madre le cuenta la historia: su padre es uno más de los desaparecidos de la dictadura argentina. Ya adolescente, debe hacer un trabajo en clase sobre los desaparecidos y ella decide contar la historia de su padre, uno más entre las 30000 personas víctimas de la dictadura.
Recomendaría este libro porque tiene una buena historia que nos enseña lo mala y cruel que es la dictadura. Es una historia muy conmovedora que nos hace sentir todo lo que sintió la niña y su madre. Además, nos enseña a no tener miedo ni a callarse, ya que es muy injusto que tantas personas, que solo querían un país mejor, terminaran muertas.
Alejandra Ceballos (3º ESO PMAR)

MES DA CIENCIA EN GALEGO

Neste mes adicado á ciencia en galego, a biblioteca tamén quixo poñer o seu grao de area, sacando os libros da biblioteca, para promocionalos en expositores e visibilizando algún deles nunha pequena exposición fotográfica. Este ano tomamos as fotos no laboratorio de Bioloxía. O vindeiro curso esperamos achegarnos a outros espazos científicos do noso centro para seguir promocionando a lectura destes libros.




   






           


Recomendamos, tamén, a lectura do manifesto de Alicia Estévez Toranzo, catedrática de Microbioloxía na USC, que adica unhas fermosas palabras ao papel que exercen as bibliotecas na nosa sociedade como fonte de información e facilitadora deses coñecementos tan necesarios para evitar a manipulación.
   
                                              

Pou último, mencionar a exposición de mulleres científicas relevantes que o departamento de Matemáticas, en colaboración coas dinamizacións de Normalización Lingüística e Igualdade expuxo no vestíbulo, sumándose a unha iniciativa de Casio España.



luns, 11 de novembro de 2019

A CURUXA SABIA

A sección máis "xoven" do Club de lectura A Curuxaina é A curuxa sabia, formada por profesorado do centro e, tamén, por compañeiras e compañeiro (así, en singular) que xa non forman parte do Claustro, pero que lles apetece compartir momentos lectores con nós.

Temos novas incorporacións: Raquel, Leo, Rocío, Marián, Teresa, Elisabet; e segue Esther como coordinadora, que se encarga de poñernos as pilas.



O xoves pasado tivemos a primeira xuntanza na que comentamos o último libro lido, Las mujeres que compran flores, e eliximos a nova lectura, Lectura fácil de Cristina Morales, Premio Nacional de Narrativa 2019. Neste libro, en palabras da autora "Mi intención era poner al lector en la diana... El libro va a atacar al lector. Y muy probablemente el lector se sienta, cosa rara en la literatura, más del lado del antihéroe que de las heroínas" (Infolibre, 17/01/2019). Esas heroínas, cunha discapacidade intelectual, teñen nome de muller, Nati, Patri, Marga e Àngels, e comparten un piso tutelado. Un libro que seguro nos dará moito que falar.




AS VIAXES DE GULLIVER

Novo curso e nova lectura para o Club de Lectura Inclusiva O Laberinto. O libro escollido para iniciar a nosa viaxe a través dese laberinto tan particular é As viaxes de Gulliver.  

Despois de presentarnos, xa que hai novos e novas lectoras, Sandra iniciounos na vida de Jonatham Swift e, deseguido, entramos nese laberinto que iremos percorrendo, pouco a pouco, para coñecer novos lugares e, tamén, diferentes maneiras de ver a vida.

A primeira parada foi Liliput. Introducimos o capítulo, comentámolo e seguiremos a lectura ata a próxima reunión, o 28 de novembro. Como tarefa teremos que ilustrar o lido cun debuxo ou un collage. Seguro que sairán verdadeiras obras de arte. Poderemos facer un libro de viaxes do noso club? Xa vos iremos dicindo.

Por último, agradecer ao Colexio de Educación Especial, ao Centro con Eles, ao alumnado de 3º PMAR e, por suposto, a Sandra, a súa implicación nesta marabillosa proposta.






EXPOSICIÓN VIAXEIRA

As fotos  de Antonio Pampliega que formaron parte da campaña solidaria O seu futuro depende de nós, desenvolvida dentro do proxecto Rescatando culturas, viaxaron ao IES de Vilalonga para, no Día das Bibliotecas, lembrarse de todas aquelas persoas que son unhas auténticas supervivintes.

Esperamos que o profesorado e alumnado de Vilalonga valore e disfrute esta exposición como o fixemos nós no seu día. 

Queremos agradecer á biblioteca do centro o seu interese por este traballo e a difusión do mesmo.
        



xoves, 31 de outubro de 2019

LECTURAS DE TERROR

Adicamos o Día dos Mortos a un libro, A pantasma da Ópera de Gaston Leroux, porque...




E este é o noso boletín, ilustrado cos debuxos do alumnado de Volume de 1º de bacharelato que serviron para ambientar a nosa biblioteca. Tamén poderedes ver as fotos da pantasma que pasou estas noites na entrada do instituto.
Que teñades Terroríficas Lecturas!!!

venres, 25 de outubro de 2019

FORMACIÓN DE USUARIOS E USUARIAS

Esta semana o alumnado de 1º ESO pasou pola biblioteca, para explicarlle polo miúdo o seu funcionamento. A actividade final consistiu na busca de libros, tendo en conta a signatura, e na localización dunha foto de persoas con capacidades diversas, que tiveron que colocar no símbolo do proxecto documental integrado deste ano "Todos e todas +".


                      


 
 



mércores, 23 de outubro de 2019

DÍA DAS BIBLIOTECAS


O 24 de outubro conmemórase o Día das Bibliotecas. Este ano a Dirección General del Libro y Fomento de la Lectura ademais de incorporar o lema "Aptas para todos os públicos", céntrase en destacar a importancia das bibliotecas na promoción da igualdade de xénero. A nosa biblioteca súmase a esta proposta e achega á comunidade educativa libros de autoras galegas e castelás. Tamén vos convidamos a ler o pregón de Gemma Pascual, traducido ao galego por Héctor Cajaraville.




















luns, 14 de outubro de 2019

IV DÍA DAS ESCRITORAS

Hoxe os Sentimentos de muller pousáronse nas aulas para falar de amor e liberdade. Así o vivimos nalgunhas clases. 

                         


                         
                  


venres, 11 de outubro de 2019

DÍA INTERNACIONAL DA SAÍDA DO ARMARIO



Hoxe, no noso centro, o Grupo de Diversidades Afectivo-sexuais, coordinado por Paloma García, convidou a toda a comunidade educativa a formar parte dun acto simbólico pero moi significativo. Pretendíase co mesmo "medrar no respecto e valorar a diversidade".





Leuse un manifesto que reproducimos aquí pola importancia da súa mensaxe:

    Porque non necesitamos os vosos armarios.
    Porque pasamos do voso odio.
    Porque ninguén ten que vivir con medo.

    Porque estamos orgullosas de ser lesbianas,
    gais, bisexuais, transexuais, asexuais, intersexuais...queer,
    non saímos do armario, ROMPÉMOLO A PATADAS!

    Pedímosvos que rexeitedes a LGTBIfobia,
    animámosvos a non xulgar a ninguén,
    aconsellámosvos mirar a outro lado
    se é que isto vos molesta.

    Queremos querer a quen queiramos sen dar explicacións.
    Queremos vivir e deixar vivir.
    Querémonos, QUERÉMOSVOS libres, visibles e FELICES!!

    FELIZ DÍA DA SAÍDA DO ARMARIO!!!


                                                                            
   

Desde a biblioteca queremos unirnos a esta iniciativa e valorar o traballo e esforzo deste grupo en prol do respecto e a igualdade do grupo LGTBI.




Tamén queremos engadir que os armarios tampouco deben ser para os libros. Se están agochados, como as persoas, non poderán transmitir eses valores que tanta falta fan e polos que loitamos de cotío. Por iso, os libros tamén deben saír do armario.