BO NADAL

 O Club de lectura deséxavos Bo Nadal.

CANCIÓNS DE NADAL

 Mentres comentabamos 1984 tivemos unha sorpresa. O profe de Música, Isma, veu á Biblio co coro a cantarmos cancións de Nadal. Fixérono realmente ben e animáronos a xuntanza.

Parabéns!!

OBRADOIRO DE NADAL

Xa está chegando o Nadal á Biblioteca. As Curuxainas do Club de lectura participaron nun obradoiro impartido pola profe Noa. Fixeron adornos para a árbore e para os agasallos. Foi un momento moi divertido!!

Máis info no blog do Club de lectura 

https://clubdelecturacuruxaina.blogspot.com/2025/12/obradoiro-de-nadal.html

UN NADAL CON CLÁSICOS

 Καλά Χριστούγεννα ou Feliz Nadal é o desexo do alumnado de Cultura clásica de 4º ESO que vos recomendan para estas vacacións libros de mitoloxía, de historia, de gastronomía, de poesía ou narrativa. Todas estas lecturas están relacionadas con Grecia e coa mitoloxía do mundo clásico. Lecturas moitas veces esquecidas e que é necesario recordar.

Tamén os Karabakis traen esas recomendacións lectoras. Os karabakis ou barquiñas son o adorno tradicional das illas e zonas costeiras gregas. Unha maneira de recordar o tema do PDI, Illas peregrinas.

Un Nadal clásico

LE NO NADAL

O alumnado tamén recomenda lecturas para este tempo de vacacións. Carlos propón ler Stranger Things, Seis. Este cómic conta a vida dunha adolescente con poderes; ademais, hai cousas sobrenaturais como monstros ou portais a outro mundo. Recomenda este libro a persoas ás que lle gusta o suspense. Nunca sabes o que pasará.

Shaila recomenda Cores prohibidas, porque é unha lectura para aprender que todas as persoas somos iguais máis alá da súa cor de pel; todas temos os mesmos dereitos e debemos respectarnos.

LECTURAS PARA O NADAL

A árbore de Nadal da Biblioteca estaba cargada de recomendacións lectoras.

Ademais, queremos recomendar uns libros moi especiais. Seguro que coñecedes a Fernando, profe de Física e a Noa e a Andrea, profes de Lingua galega. Pois tamén escriben; por iso, estes libros son imprescindibles. Se vos gusta a música, a narrativa ou a poesía e tedes inquedanza por escribir, seguro que vos darán uns consellos😉

Lecturas para o Nadal de Biblioteca Castro Alobre

LECTURAS DE NADAL

 

NADAL NA BIBLIOTECA

 O equipo de Correspondentes do noso instituto amosaron unha vez máis ser grandes organizadores de eventos, deron as badaladas de Fin de Trimestre desde a Biblioteca e conduciron unha xincana para o alumnado de 1º ESO.

Diseño de Biblioteca Castro Alobre

FELICITANDO O NADAL

 O grupo de Diversidades afectivo-sexuais convidou a toda a comunidade educativa a felicitar un Nadal moi diverso. O equipo de Biblioteca participou no vídeo e aproveitou para recomendar lecturas.

PRESENTANDO O PROXECTO DO VOLUNTARIADO

Como peche deste primeiro trimestre e para finalizar o ano escolar, o alumnado do Voluntariado lingüístico, dirixido pola profe de galego, Marisa, deunos a coñecer os obxectivos da súa formación. Nunha festa no pabillón presentáronnos ao alumnado embaixador dos distintos lugares de procedencia de alumnos e alumnas. Houbo badaladas, comida internacional e música. Toda unha festa intercultural!

Ademais, durante toda a semana estes alumnos e alumnas estiveron de visita en diferentes coles e entidades facendo diferentes actividades, desde lecturas ata manualidades. Un deses centros foi o Colexio de Educación Especial co que, desde a biblioteca, compartimos un Club de lectura marabilloso que esperamos poder volver a retomar.

ÁRBORE LITERARIA DE NADAL

Estes días brillou nun dos nosos espazos lectores esta árbore de Nadal que o alumnado do Club de Lectura converteu nunha árbore literaria coas súas recomendacións lectoras. Libros para todos os gustos, pero sempre destinados á rapazada.

Tamén queremos recomendar lecturas para estes días de vacacións.

CHEGA O NADAL

Chega decembro e con el o Nadal. O Club do alumnado axudounos a poñer a árbore que esperamos conertir nunha árbore "literaria" con recomendacións lectoras.

RECOMENDACIÓNS DE NADAL

Reunimos as recomendacións da comunidade educativa nunha árbore de Nadal e expuxemos os libros (ademais doutros recomendados pola biblioteca) no vestíbulo do centro para animar a súa lectura.

                    

HOXE RECOMENDAN...

Os últimos días de clase temos a recomendación lectora de Antonio Fernández, profe de galego, Paloma García, profe de música, e de Pili, quen cada día cun sorriso acolle a profesorado e alumnado na cafetería do centro.

HOXE RECOMENDAN...

 Hoxe, venres, chegou a quenda de Dani González, profe de Física.

HOXE RECOMENDAN...

HOXE RECOMENDAN...

 Estas son as recomendacións do mércores: Luis Abella  e Helena Barrera, profe de francés.

HOXE RECOMENDAN...

Chega o turno de Lía Pérez González (2º bacharelato A) e Luis Quinteiro, profe de Educación Física.

Comentarvos que as recomendacións dos compañeiros e compañeiras están a chegar á biblioteca. Irémolas poñendo no expositor do vestíbulo. Se vos apetece coller algún dos libros para o Nadal, ide á biblioteca para solicitar o seu préstamo.

HOXE RECOMENDAN...

Comezamos a semana con novas recomendacións. Hoxe, Carolina Fernández Gutiérrez (4º ESO C) e Noa Pérez, profe de Lingua galega.

HOXE RECOMENDAN...

Recomendacións lectoras do venres día dez de decembro a cargo de Aroa Rodríguez (4 ESO B) e Pablo Villanueva, profe de Plástica.