DIARIO CULTURAL

 O luns celebramos o Día das Letras Galegas con actividades variadas nas que participou o alumnado dos diferentes cursos. Organizado por Normalización Lingüística, unha olimpiada cultural sobre Begoña Caamaño puxo a proba os coñecementos que sobre esta escritora tiñan alumnas e alumnos.

Un grupiño de estudantes de 2º ESO interpretou a obra de teatro "Asamblea xeral". Despois, o Diario cultural con Xián Pais achegou as inquietudes musicais deste rapero de Muros á rapazada de 3º, 4º ESO e de bacharelato. Esta entrevista gravouse para a radio escolar. Para iso, tivemos que trasladar a radio ao Salón de actos que, momentáneamente, se convertiu nun estudo de gravación.

    

LETRAS GALEGAS 2026

Este ano as Letras Galegas están adicadas a Begoña Caamaño. Podedes atopar na nosa biblioteca os dous libros que escribiu, moi recomendables para o alumnado de Bacharelato, e tamén biografías que nos dan a coñecer a súa vida como grande lectora e muller feminista e moi comprometida.

No ano 2015, cando as súas amizades publicaron o Libro das amigas, Sira Vidal, profesora do departamento de Lingua e Literatura galega do noso instituto, publicou neste blog as súas impresións sobre este libro que, por suposto, recomendaba. Cito as súas palabras "Nótase que o libro está feito desde o corazón, desde a dor, máis tamén desde o amor máis profundo. Poemas, cartas, desafogos... palabras para lembrar a amiga, a escritora, a muller comprometida coa liberdade, coa xustiza, co feminismo".

Recomendo a lectura da reseña deste libro. Clicar aquí.

LENDO NA BIBLIOTECA

 Tamén o alumnado compartiu lecturas na Biblioteca para celebrar o Día do Libro. O alumnado de ESO leu textos dos diferentes xéneros literarios e, de paso, houbo quen aproveitou a ocasión para levar en préstamo algún libro.

día do libro de Biblioteca Castro Alobre

COMPARTINDO LECTURAS

O Equipo de Biblioteca promove no Día do Libro unha xuntanza do profesorado e persoal non docente arredor dos libros. Durante a semana previa a Compartindo lecturas, profesoras e profesores acoden á Biblioteca para buscar ese libro que lle queren "regalar" ao compañeiro ou compañeira que lle tocou en sorte. Acompañamos o reparto dos libros cuns petiscos doces e salgados e, por suposto, promovemos a lectura.

ADIANTE, ESCRITORAS!

 O Día da Muller recomendamos,desde a Biblioteca, libros escritos por mulleres, que son moitos e moi bos. Ademais da selección que aparece no boletín, expuxemos moitos máis nos diversos espazos lectores do noso centro.

DÍA DA MULLER E DA NENA NA CIENCIA

Paula e Rocío, alumnas de Oratoria de 3º ESO E, gravaron un podcast para darmos a coñecer a visión de catro profesoras, de diferentes xeracións, sobre as súas carreiras científicas: Matemáticas, Bioloxía e Física e Química.

LIBROS CON NOME DE MULLER

Para conmemorar o 8 de marzo, recomendamos Libros con nome de muller. Esta é unha selección da exposición que podedes atopar na biblioteca.

ROSALÍA EN RADIO CASTRO

No Día de Rosalía, Paula e Rocío -alumnas de Oratoria que forman parte do Equipo de Correspondentes- puxéronse ante os micros de "Non calamos. Radio Castro" para ler o manifesto da AELG escrito por Eva Veiga. Animámosvos a escoitar porque, como Rosalía, nós tampouco nos resignamos. "Con ela queremos loitar contra o patriarcado, contra a trata de seres humanos, contra o autoritarismo, contra todas as inxustizas e a prol dunha humanidade responsable que coida da infancia e da educación humanista, aberta ao outro, ao diferente, capaz de mostrar empatía e colaboración".

DÍA DE ROSALÍA

 O Día de Rosalía conmemorouse cunha preciosa exposición. Normalización lingüística promoveu "Todas as Rosalías posibles" para que o alumnado desenvolvese a súa creatividade. Cadaquén viu a Rosalía dunha maneira diferente, como cadaquén sente a súa poesía. Esta exposición acompañouse cos libros de e sobre Rosalía que temos na Biblioteca.

BOMBARDEO!

 Bombardeo! foi outra das propostas do departamento de Música na que o alumnado protestou polas guerras cunha acción poético-musical. Ademais do alumnado de Música, parte imprescindible neste proxecto, colaborou a Biblioteca, o equipo de Normalización Lingüística e o alumnado de Oratoria e Correspondentes.

Ver esta publicación en Instagram

Una publicación compartida por Música IES Castro Alobre (@musicaiescastroalobre)

MÚSICA POLA PAZ

 O 30 de xaneiro a biblioteca participou en "Música pola Paz" unha iniciativa promovida polo departamento de Música. O coro, dirixido polo profesor Ismael, cantou na biblio We are the world.

Recomendamos para toda a comunidade educativa lecturas das que podemos aprender moito.

Expuxemos fotografías cedidas polo xornalista Antonio Pampliega.

Demos a coñecer a activistas pola paz.

E Normalización Lingüística expuxo unhas estampas de Castelao dos "Álbumes de Guerra", Galicia Mártir, Atila en Galicia e Milicianos.

OBRADOIRO DE ILUSTRACIÓN

O 30 de xaneiro conmemórase o Día da Ilustración, coincidindo coa data do nacemento de Castelao. Esta xornada quere recoñecer e poñer en valor o traballo de artistas deste ámbito. Por iso, desde a Biblioteca propuxemos un obradoiro de creación de personaxes impartido polo ilustrador Julio García.

O alumnado de Debuxo artístico de 1º de bacharelato puxo a proba a súa creatividade para crear ilustracións a partir de varios personaxes e obxectos propostos por Julio. Ademais, entraron no mundo das sensacións; despois de escoitar sons ou de percibir determinados olores tiveron que facer un debuxo de aquilo que lles suxería.

Moitas grazas a Julio por aceptar a nosa invitación.

CASTELAO

 Pechamos o Ano Castelao e xa imos retirando a exposición de libros que podedes atopar na Biblioteca.

Castelao de Biblioteca Castro Alobre

CIENCIA EN GALEGO

ias na biblio de Biblioteca Castro Alobre

CONTRA A DESINFORMACIÓN

Convén recordar cada ano o importante papel que desempeñan as bibliotecas na formación do estudantado. Contra a desinformación é o lema deste curso. Agora máis que nunca é necesario fomentar a reflexión, o espírito crítico e a análise de fontes, para que o alumnado saiba distinguir entre información veraz e noticias falsas.

Neste día das Bibliotecas e en todos os demais, Vén á Biblioteca!!!

DÍA DAS ESCRITORAS

O Día das Escritoras é unha data que debemos recordar. Este ano, alumnado e profesorado recomendounos a súa escritora favorita.

DÍA EUROPEO DAS LINGUAS

En "Non calamos. Radio Castro" non podiamos deixar pasar un día tan sinalado como o Día Europeo das Linguas. Por iso, dámoslle voz a dúas exalumnas, Alisha Sheraz e Lidia Dos Anjos. Neste podcast falan da oralidade que, como elas mesmas din "non entende de fronteiras, só de emocións". Convídannos, polo tanto, a celebrar a riqueza da diversidade lingüística a través da narración de historias, pois estas serven para coñecermos outras culturas, así como para romper prexuízos.

Alisha e Lidia contan as historias que a elas lles contaban, historias de dúas culturas (paquistaní e xitana) que se unen neste podcast.

Elas xa non están no noso centro, pero estamos seguras de que seguirán transmitindo as súas historias e a súa cultura con orgullo.

ESCRITORAS GALEGAS

 Mercedes Peón, Eva Mejuto e Diana Kurich enviáronnos un vídeo no que nos falaban de Somos pandeireteiras, Sei cantar, sei bailar e Feitas ao sisel. Estas lecturas difundímolas por mor do Día das Letras Galegas.

CANTAREIRAS

 Unha merecida homenaxe ás cantareiras polo Día das Letras Galegas. No noso centro enchemos as paredes dos corredores con pandeiretas e con moitas estrofas desa poesía popular oral.

Por suposto, tamén expuxemos as nosas recomendacións lectoras.

CONTRA A LGTBIFOBIA

     O 17 de maio é un día importante para loitar contra a LGTBIfobia e nada mellor para facelo que concienciar ao alumnado. Utilizando as novas tecnoloxías, o alumnado tivo que facer unha búsqueda de información para coñecer a situación legal das persoas dos diferentes colectivos e reflexionar sobre ela. Os resultados quedaron plasmados nunha exposición.