Amosando publicacións coa etiqueta Ciencias na biblio. Amosar todas as publicacións
Amosando publicacións coa etiqueta Ciencias na biblio. Amosar todas as publicacións
luns, 1 de decembro de 2025
mércores, 19 de febreiro de 2025
DÍA INTERNACIONAL DA MULLER E DA NENA NA CIENCIA
Tamén, vos recomendamos lecturas para que non esquezades que hai e houbo moitas mulleres científicas. Podes atopalos na biblioteca.
venres, 7 de febreiro de 2025
FINALISTAS "MÓVETE CO BIOETANOL"
No mes de outubro o alumnado de 3º ESO tivo un encontro con Big Van Ciencia do que nos fixemos eco neste blog (https://bibliocastroalobre.blogspot.com/2024/10/big-van-ciencia.html). Helena e Oriol convidou ao alumnado a participar no concurso Móvete co Bioetanol e un grupiño de alumnos e alumnas de 3º ESO B puxéronse a traballar no guion, a gravar e presentaron un vídeo. Todo isto baixo a dirección da profe de Física, Ángeles.
Hoxe, están en Santiago, na Gala Final "Móvete co Bioetanol", porque o seu vídeo está entre os oitofinalistas. Que nervios! Podedes seguir a gala en directo. Empeza ás 11.00 h.
Desexámoslle moitísima sorte, porque o seu traballo é realmente bo. Para nós xa é un grande premio que estean aí. Podesde estar orgullosos e orgullosas. Desfrutade da gala!!!
Parabéns do equipo de biblioteca!!
venres, 22 de novembro de 2024
LE CIENCIA EN GALEGO
Cada vez son máis as lecturas científicas que forman parte da nosa biblioteca. Como sabedes, novembro é o mes da ciencia en galego e, por iso, podedes ver moitos libros expostos desta temática. Tamén queremos contribuír a dar a coñecer os Obxectivos do Desenvolvenmento Sostible (ODS).
Elaboramos un boletín informativo con lecturas divulgativas sobre o cambio climático, a contaminación dos mares polos plásticos, a degradación do solo.. E tamén algunhas solucións e medidas que podemos tomar nas nosas casas. Este é un exemplo dalgúns libros que podedes atopar, pero hai moitos máis!!
Agardámoste cos libros abertos!
le ciencia de Biblioteca Castro Alobremércores, 22 de novembro de 2023
CIENCIA EN GALEGO
A Biblioteca quere promover as lecturas científicas. Que temos moitas!!! E, por suposto, tamén en galego. A profe de Física, Cristina, que tamén forma parte do equipo da biblioteca, propúxolle ao seu alumnado de 4º ESO a recreación dalgúns momentos científicos e literarios no laboratorio.
Esta é algunha mostra que nos serve, tamén, para recomendar libros neste mes da ciencia.
Grazas ao alumnado colaborador e parabéns. Fixestes un traballo precioso.😍😍😍
luns, 13 de febreiro de 2023
LECTURAS DE MULLERES CIENTÍFICAS
O 11 de febreiro conmemórase o Día Internacional da Muller e da Nena na Ciencia e nada mellor que lecturas que dean a coñecer a científicas importantes.
O alumnado de 1º ESO fixo unha exposición con "instagram" de mulleres científicas na materia de Bioloxía. Unha boa maneira de mostrar o talento "sen límites" de tantas e tantas mulleres. Parabéns por dalas a coñecer.
mércores, 23 de novembro de 2022
CIENCIA EN GALEGO NA BIBLIOTECA
Rematando o mes da Ciencia en galego, tamén está a piques de rematar ese pequeno concurso "científico". Nos libros, como ben sabe o noso alumnado, están as respostas. Unha boa maneira de amosar libros divulgativos de temas realmente interesantes e de actualidade.
venres, 11 de febreiro de 2022
A CIENCIA TAMÉN É COUSA DE MULLERES
Para conmemorar o Día Internacional da Muller e da Nena na ciencia, recomendamos lecturas e damos a coñecer a algunhas científicas que o alumnado, que se achegue ata a biblioteca, poderá ver nuns cartaces sobre as mesas.
Ademais, achegamos a ligazón da entrada do blog de Comunidad Baratz, na que se nos fala de sete científicas que traballaron como bibliotecarias. A que non o sabías?
Estas mulleres son: a astrónoma Maria Mitchell, a matemática Mary Everest Boole, a botánica Anna Murray Vail, a lexicógrafa María Moliner, a astrónoma Ruby Violet Payne-Scott, a programadora Henriette Avram e a geógrafa Selma Huxley.
venres, 19 de febreiro de 2021
AS CIENCIAS NA BIBLIO: A CÉLULA EUCARIOTA
Na entrada de hoxe abrimos a porta ás ciencias da man do alumnado de 4º ESO F. Nos vídeos que podedes ver, fálannos das células eucariotas, uns bos traballos e unhas magníficas recreacións. Agradecemos a Irene Munín que os animase a mandarnos estes vídeos.
O blog da biblio é de todos e todas. Grazas!
Subscribirse a:
Publicacións (Atom)