POEMAS PREMIADOS

Parabéns a Aldara, Uxía, Martín, Vega, Fernando e Alejandra polas súas poesías. Agradecemos tamén a participación ao alumnado neste concurso no que puideron amosar o seu talento poético. Foron moitos os poemas e moi bos, pero, finalmente estes seis son os que resultaron gañadores.

   

O CABELO É POLÍTICA

Elisa May, estudante de 3º ESO, fálanos neste podcast da importancia que ten o cabelo para as mulleres e o que representa na arte, literatura, cultura pop...

FÓRA DE FOCO

 Valentina, alumna de 1º ESO B, fixo un podcast sobre os estándares de beleza, tanto na vida cotiá coma nas redes sociais e como afectan a nosa sociedade de hoxe en día. con este podcast participou no concurso convocado pola biblioteca.

POESÍA

 O Equipo da Biblioteca xa está pensando no Día da Poesía e en como podedes dar renda solta a vosa creatividade. Sabemos que hai moito talento poético entre o noso alumnado, así que só tedes que animarvos a concursar.

OS PREMIOS

Parabéns ao alumnado premiado no concurso de máscaras.

O ENTROIDO

Un ano máis, tivemos na biblioteca unha exposición de máscaras que mostraron a creatividade do noso alumnado. Esta é unha mostra das expostas. Parabéns!!!

A RADIO

 O 13 de febreiro é o Día Internacional da Radio; por iso, queremos fomentar este medio de comunicación e convidarvos a participar no Proxecto Documental Integrado deste curso "A radio como ferramenta educativa".

Ademais, desde "Radio Castro. Non calamos", a nosa radio, convocamos un concurso de podcast.

Esperamos que haxa moita participación!

CONCURSO DE MÁSCARAS

Un curso máis convocamos un concurso de máscaras para poñer a proba a vosa creatividade. Tedes dúas opcións:

- unha máscara dalgún personaxe malo, malísimo dun libro, película ou cadro

- unha máscara do personaxe que vos queirades; temática libre

Coma sempre haberá algún agasallo para as mellores máscaras. Animádevos a participar!

                                       

PREMIOS "OS DOUS DE SEMPRE"

 Poñemos fin ao Ano Castelao entregando os premios do concurso "Os dous de sempre". Parabéns a todo o alumnado participante, que deu mostra das súas aptitudes teatrais, e, especialmente, ás gañadoras e gañadores👏👏👏

Miguel, Alejandro, Manuel e Gabriel de 2º ESO C (1º premio)

Pablo, Alejandro, Pablo e Digno de 4º ESO C (1º premio) 

Alumnado de 3º ESO (2º premio)

OS DOUS DE SEMPRE

 No ano Castelao queremos propoñer ao alumnado un concurso no que se debe elixir un dos tres diálogos, que presentamos, e representalo. Unha maneira de homenaxear a Castelao.

Concurso Textos "Os dous de sempre" de Biblioteca Castro Alobre

O LIBRO DA NOSA VIDA

O equipo da Biblioteca e o de Normalización Lingüística presentaron, por mor do Día do Libro, este concurso. Quen queira participar, debe adiviñar o profesor e profesora que se agocha nesas fotos de hai xa anos e ler ben as frases, que poden ser de axuda. É o libro das nosas vidas presentado en forma de árbore.

E este é o alumnado gañador e finalista.

AS MÁSCARAS

 

Concurso "Unha máscara de libro"de Biblioteca Castro Alobre

1º premio: "O sombreireiro tolo" de Alicia Rodríguez e "Ymir, o xigante de xeo" de Irene Diz.

2º premio: "Lobishome" de María Blanco Cambeiro e Sara Agra e "Ser mitolóxico" de Aida Constenla.

3º premio: "Peliqueiro" de Vega Millán e "Arlequín" de Hércules Aido.

Este ano, como novidade, entregamos un premio especial para as familias ao "Urco"; ademais, tamén agradecemos a participación do profesorado como Pancho e Noa.

Parabéns polas vosas creacións!

UNHA MÁSCARA DE LIBRO

Un novo concurso pensando xa no Entroido. Este ano temos unha novidade. Ademais do alumnado, poderá participar tamén o profesorado. A ver se alguén se anima!!!

A NOITE DA LOBISMULLER

 Parabéns ao alumnado do agrupamento de Lingua galega por este vídeo "A noite da Lobismuller". Gañaron o premio do concurso de terro!!!!👏👏👏

LOBISHOME

 Xa temos o primeiro concurso da biblioteca. Un concurso de medo, LOBISHOME.

Participade!!!

QUEN É QUEN NO PAÍS DOS ESPELLOS?

 Novo concurso que nos servirá, tamén, para dar a coñecer a grandes escritoras e escritores que xa están un pouco esquecidos entre a rapazada. 

Seguide as pistas que podedes atopar no título dos libros e averiguade, coa axuda das fotografías, os nomes deses autores e autoras. Cubride a ficha que atoparedes na biblioteca e nos espazos lectores. A data límitepara participar é o 7 de xuño.

Ademais, seguro que hai caras que vos soan, non? Pero isto xa non forma parte do concurso😃

A FORZA DAS MULLERES NAS ARTES

A forza das mulleres nas artes é a proposta da biblioteca para o Día da Muller. Queremos dar a coñecer a grandes mulleres descoñecidas e facémolo mediante un concurso. Ademais do alumnado, poderá participar o profesorado. Convidamos a profesores e profesoras que animen á rapazada. É unha maneira máis de implicarse neste día. Podemos falar delas e seguro que de moitas máis.

A forza das mulleres nas artes de Biblioteca Castro Alobre

ENTREGA DO CONCURSO DE MÁSCARAS

 Entregamos os premios do concurso de máscaras. de novo, parabéns pola creatividade e por axudarnos a difundir,dunha maneira diferente, personaxes de libros.

AS MÁSCARAS

 Moi boa participación no concurso de máscaras. Realmente, os nosos mozos e mozas teñen moito talento. Buscaron personaxes literarios moi variados e imitaron os seus trazos.

Parabéns!!!

Estes son os premios:

1º premio. "Ming o Despiadado" (Flash Gordon) de Román Prieto Rodríguez

                    "A Raíña de Corazóns" (Alicia no País das Marabillas) de Ángela Fanjul Suárez

2º premio. "A serpe. Voldemort" (Harry Potter) de Antía Fernández Paulos

                    " Pinocho" de Raúl Novás

3º premio. "Drácula" de Marcos Martínez Saborido e de Pablo Castrelo Cochón e "Long John Silver" (A illa do tesouro) de Kenay Jessy Mollinedo Martín

CONCURSO DE ENTROIDO

 Atención!! 📢 Convocamos un novo concurso, o concurso de Entroido, Unha máscara de libro. Le ben as bases. Tes ata o 2 de febreiro para participar.