E TI QUE CONTAS?

Este curso 2026-2027 o Club de lectura E ti que contas? vai viaxar a moitos lugares. "A volta ao mundo" e "Co mundo a voltas" son os PDI da nosa biblioteca e da biblioteca do Colexio de Educación Especial. Como o alumnado do Club é moi viaxeiro, decidimos implicarnos nestes proxectos e coller as mochilas para dar unha pequena volta polo mundo adiante.

Nesta primeira xuntanza, en outubro, presentámonos e falamos das viaxes que nos gustaría facer. As Maldivas, Nova York, Italia, Hollywood, Cuba, Os Ánxeles e París ou Barcelona son algúns dos lugares dos nosos soños. Para finalizar, fixemos un crebacabezas para ver cal sería o percorrido que cadaquén tería que facer.

Agora xa estamos pensando na seguinte xuntanza.

XUNTANZA DO CLUB DE LECTURA

    Despois dun longo verán cheo de lecturas, tocou xuntarnos de novo para falar de libros, neste caso de La hija de Santiago del Molino. Unha historia que nos descubriu a vida dunha pintora do século XIX, Rosario Weiss discípula de Goya. Pareceunos unha lectura interesante, ainda que coincidimos en que a segunda parte do libro era un pouco redundante. Antes de despedirnos escollimos as próximas lecturas: As humidades, primeira novela de Alba Tomé antiga alumna do noso centro e Ana no de Agustín Gómez Arcos.  Vémonos en novembro!!

CLUB DE LECTURA DE CIENCIA FICCIÓN

    Se che gustan as distopías, os universos descoñecidos  e as  realidades paralelas, únete ao noso Club de Lectura de Ciencia Ficción. 

Compartiremos lecturas, ideas, misterios e debates sobre mundos posibles e imposibles.

Apúntate na Biblio e comeza a aventura!

CLUB DE LECTURA

Xa está de volta o Club de Lectura Curuxaina!! Este curso Lúa a profe de inglés vai ser a encargada de descubrirnos  lecturas fascinantes. Apúntate na Biblio!

LA VEGETARIANA

 A última xuntanza deste curso do Club do profesorado pódese resumir con dúas palabras: inquietante e perturbadora. Non pola reunión, por suposto, que foi coma sempre moi agradable; pero si pola lectura. Nestes dous adxectivos coincidimos todas para calificar o libro de Han Kang La vegetariana. Destacamos a prosa da autora, a utilización das palabras, a poesía do texto. Unha boa lectura para o verán.

Pola nosa parte, espérannos tres propostas: Esperando a mister Bojangles de Olivier Bourdeaut, La hija de Sergio del Molino e Ana no de Agustín Gómez Arcos.

Vémonos en setembro, Curuxainas!

O CLUB DE ROTEIRO

 Rematamos este curso as reunións do Club de Lectura cun roteiro literario polas rúas de Santiago de Compostela. Tamén visitamos algunhas das súas librerías e mercamos novidades para a nosa biblio. Foi unha xornada moi divertida na que falamos de libros e coñecimos un pouco máis sobre autores como Lorca ou Rosalía.

Despedímonos ata o curso que vén
, pensando nas lecturas que nos esperan para estas vacacións.

E TI QUE CONTAS!

 Hoxe despedímonos por este curso do Club E ti que contas! Estivemos lendo e pasando un rato moi divertido coas aventuras do galo Quirico, un conto tradicional que ensina que, ás veces, non é bo ser un larpeiro. Despois, tivemos unha merendiña na cafetería para despedirnos ata setembro.

AGASALLANDO PALABRAS

 No último encontro do Club de Lectura Intercultural na Cruz Vermella agasallamos palabras.

Este foi o agasallo que nos deron:

E este foi o noso:

CLUB DE LECTURA INTERCULTURAL

 No Club de Lectura Intercultural e Interxeracional, o Equipo de Correspondentes e Voluntariado reúnese na Cruz vermella de Vilagarcía con estudantes de español de diferentes nacionalidades. O obxectivo destes encontros é compartir para coñecer e nesta ocasión o tema foi "O Entroido". O alumnado voluntario fixo un vídeo no que recolleu o que máis lle chamou a atención. 

Grazas por deixarnos aprender de vós!

Con Pancho Lapeña

 Hoxe tivemos unha xuntanza moi especial no Club de lectura. Pancho Lapeña, profesor de Filosofía, escritor, deseñador gráfico e, sobre todo, un gran amante dos paxaros, falounos de como publicar un libro e de como deseñar unha capa. Foi unha charla moi interesante e esperamos que haxa unha segunda parte.

Os Sneetches

 Na xuntanza deste mes do Club E ti que contas? lemos Os Sneetches, unha historia tradicional inglesa cuns gansos moi divertidos. Aprenddemos que o importante non é que sexamos todos iguais, porque a diferenza nos fai persoas únicas. Esta vez tocounos ler na biblioteca do Colexio de Educación Especial.

MENTIRA

 A reunión desta semana do Club foi para falar de Mentira de Care Santos. Foi todo un éxito, gustou moitísimo😍. Na xuntanza tratáronse distintos temas como as redes sociais, as mentiras das segundas oportunidades e, por suposto, falouse de namorarse.

A próxima e última lectura deste curso será El último trabajo del señor Luna de César Mallorquí, unha historia de misterio que seguro lles vai gustar.

FREDERICK

 

Onte tivemos unha nova reunión do Club de lectura E ti que contas? Desta vez tocounos recibir na nosa biblioteca ao alumnado do Colexio de Educación Especial. Lemos a historia de Frederick, un rato de campo mi poeta. Despois falamos desta historia, fixemos uns xogos e inventamos mil e unha historias que pasan nas granxas.
Vémonos o próximo mes con novas historias de animais.

    

MENTIRA

 Mentira de Care Santos foi o libro sobre o que falaron as integrantes do Club de lectura.

 

HASTA QUE EMPIECE A BRILLAR

Nova xuntanza do Club Curuxaina para compartir as impresións sobre o libro de Andrés Neuman, Hasta que empiece a brillar.

E TI QUE CONTAS!

Aínda que un pouquiño tarde, por fin reunímonos co Club de lectura do Colexio de Educación Especial. Coma sempre, compartimos uns momentos moi agradables, presentámonos, falamos das nosas historias favoritas e fixemos xuntos unha tarxeta de amizade. Tamén recibimos un fermoso agasallo feito polo obradoiro de reprografía do Colexio.

MICRO ALGAS

 Reuniuse o Club de lectura para comentar Micro algas de Xulia Pisón. Despois de escoitar as opinións sobre este cómic e valorar a importancia destes microorganismos para a natureza e o ser humano, fíxose un cartaz para facer partícipe a todo o centro desta actividade.

Ao final da sesión, repartíronse os libros da seguinte lectura, Mentira de Caré Santos.

1984 NO NADAL

 Última xuntanza do ano do Club de lectura de ciencia ficción. Fernando falounos de Orwell e fixo unha introdución ao libro, para situarmos no tema. Moi interesantes os seus comentarios.

Comentouse, máis ou menos, a metade do libro. Inquietante o Gran Irmán e a revisión do pasado. E tamén xurdiu a comparación desa vixianza constante coa nosa vida permanentemente exposta a través dos teléfonos móbiles e das redes sociais.

Resultou unha reunión interesante e deixounos con ganas de afrontar esa última parte do libro que nos queda para despois do Nadal.

OBRADOIRO DE NADAL

Xa está chegando o Nadal á Biblioteca. As Curuxainas do Club de lectura participaron nun obradoiro impartido pola profe Noa. Fixeron adornos para a árbore e para os agasallos. Foi un momento moi divertido!!

Máis info no blog do Club de lectura 

https://clubdelecturacuruxaina.blogspot.com/2025/12/obradoiro-de-nadal.html

CASTELAO

No ano Castelao, a biblioteca organizou unha visita á exposición Castelao. Mirar por Galicia. O alumnado do Club de lectura e o equipo de correspondentes da radio desfrutaron dunha mañá na Cidade da Cultura co obxectivo de afondar na figura de Castelao.

Así foi a visita.

E estas foron as sús reaccións despois de ver a exposición.