LENDO NA BIBLIOTECA

 Tamén o alumnado compartiu lecturas na Biblioteca para celebrar o Día do Libro. O alumnado de ESO leu textos dos diferentes xéneros literarios e, de paso, houbo quen aproveitou a ocasión para levar en préstamo algún libro.

día do libro de Biblioteca Castro Alobre

COMPARTINDO LECTURAS

O Equipo de Biblioteca promove no Día do Libro unha xuntanza do profesorado e persoal non docente arredor dos libros. Durante a semana previa a Compartindo lecturas, profesoras e profesores acoden á Biblioteca para buscar ese libro que lle queren "regalar" ao compañeiro ou compañeira que lle tocou en sorte. Acompañamos o reparto dos libros cuns petiscos doces e salgados e, por suposto, promovemos a lectura.

CREADORES DO CASTRO ALOBRE

 Hoxe, Día do Libro, tivemos o I Encontro de Creadores do Castro Alobre. Con esta actividade queriamos dar a coñecer a distintos membros da comunidade educativa aos que lles gusta escribir e, nalgún caso, teñen xa libros publicados. 

Neste Encontro puidemos escoitar as experiencias de Noa e Fernando (profes do noso centro), Dânia e Uxía (alumnas de 1º de bacharelato e 2º ESO, respectivamente) e Vero Luna (nai de Isabella, alumna de 2º ESO), que compartiron con nós o seu proceso de creación. Moderada a conversa por Concha, profe xubilada, que segue a inspirar dentro e fóra das aulas e tamén escribe, fomos descubrindo que o proceso creativo non é lineal: está cheo de dúbidas, probas, emocións e tamén moita ilusión.

Falouse de escribir, de crear, e de atreverse e de equivocarse. Pero, sobre todo, falouse de sentir.

Un encontro que nos lembra a importancia de dar voz á creatividade e de aprender  unhas das outras.

       

     

LENDO NA BIBLIO

Lecturas Vivas Polifónicas III 4º E de Biblioteca Castro Alobre

LENDO NA BIBLIOTECA

Lecturas Vivas Polifónicas III 4º B de Biblioteca Castro Alobre

LENDO NA BIBLIOTECA

Lecturas Vivas Polifónicas III 2ºB de Biblioteca Castro Alobre

Lecturas Vivas Polifónicas III 2º E de Biblioteca Castro Alobre

Lecturas Vivas Polifónicas III 2º A de Biblioteca Castro Alobre

LENDO NA BIBLIOTECA

 

Lecturas Vivas Polifónicas III 2º ESO C de Biblioteca Castro Alobre

Lecturas Vivas Polifónicas III 2º D de Biblioteca Castro Alobre

LENDO NA BIBLIOTECA

 Para conmemorar o Día do Libro, o alumnado de ESO foi á biblioteca para compartir lecturas. 4º A e C leron O almohadón de plumas de Horacio Quiroga.

Lecturas Vivas Polifónicas III 4º A/C de Biblioteca Castro Alobre

INTERCAMBIANDO LIBROS

 Por segundo ano, intercambiamos libros entre o profesorado e o persoal non docente, ademais de compartir uns deliciosos petiscos. Tivemos moitas visitas e descubrimos grandes lectores e lectoras que frecuentaban pouco a biblioteca. Esperamos que non perdan o hábito!!!

O DETECTIVE FERRUCCI

Non hai mellor día para reunirse que o Día do Libro e isto foi o que fixo o Club de lectura Curuxaina. A tertulia xirou sobre O detective Ferruchi de Marta Villar.

UN LIBRO ESPECIAL

 O Día do Libro tamén aproveitamos para ler algúns fragmentos de A historia interminable de Michael Ende. Un deles foi a chegada da Emperatiz Infantil xunto ao Vello da Montaña errante. E así recreou o alumnado ese lugar.

O LIBRO DA NOSA VIDA

O equipo da Biblioteca e o de Normalización Lingüística presentaron, por mor do Día do Libro, este concurso. Quen queira participar, debe adiviñar o profesor e profesora que se agocha nesas fotos de hai xa anos e ler ben as frases, que poden ser de axuda. É o libro das nosas vidas presentado en forma de árbore.

E este é o alumnado gañador e finalista.

TEREI OU NON TEREI?

 O Dia do Libro foi realmente especial. O profesorado sumouse a nosa proposta e ninguén quedou sen libro, así que o curso que vén xa teremos que buscar outro nome para esta celebración, porque "Imos ter!!"😀

Compartimos libros e doces e uns momentos moi agradables. E agora, a ler e a volver pola biblioteca!

Agardámoste cos libros abertos

LECTURAS VIVAS POLIFÓNICAS II

 Para celebrar o Día do Libro, promovemos, de novo, Lecturas Vivas Polifónicas.  Todo o alumnado de ESO fixo unha lectura compartida en voz alta dun relato escollido polo departamento de galego e castelán.

TEREI OU NON TEREI?

 Estase achegando o Día do Libro. Comezamos coas lecturas na biblio "Lecturas vivas polifónicas II" e os libros cheguen enchendo as cestas!!!

TEREI OU NON TEREI?

 O Día do Libro vai ser un día especial ou, polo menos, iso pretendemos desde a biblioteca. A proposta que lle facemos a todo o profesorado consiste en "agasallar" cun libro da biblioteca a un profesor ou profesora. Para iso debemos coller un sobre cun nome. Quen nos tocará? Gustaralle o libro que escollemos? O martes 23 despexaremos todas as dúbidas. Mentres tanto, animamos á participación. Achegádevos a biblioteca e veredes que boas propostas vos facemos.

LENDO A OSCAR WILDE

Na Semana de lectura na biblio, o alumnado de 3º ESO C leu a Oscar Wilde.

LENDO NA BIBLIO

 Na semana de lectura tamén o alumnado de Francés e de Inglés pasou pola biblio para ler nesta lingua.

Agradecemos a súa participación na conmemoración do Día do Libro.

NOVAS LECTURAS

 Para finalizar Lecturas vivas polifónicas, 1º ESO E e 4º ESO pasaron hoxe pola biblioteca. Nos vindeiros días seguiremos informando sobre esta semana de lecturas. Unha experiencia para repetir.

SEGUIMOS A LER

 Continuamos coas lecturas dentro da semana de conmemoración do Día do Libro.