O alumnado de Grego de 1º de bacharelato elaborou unhas preguntas sobre Hércules e Aquiles para unha actividade da biblioteca escolar pensada para 1º ESO. O alumnado debía buscar na sección de Mitoloxía (CDU 29) os libros seleccionados na bibliografía e atopar a información que se lles pedía.
Esta actividade tamén quería amosar esta atractiva sección ao alumnado.
Os heroes da mitoloxía gregaMapa da estría é o libro de Andrea Nunes Brións que vén de recibir o Premio Follas Novas ao libro de poesía. Queremos felicitar a Andrea por este premio. Ela foi, o curso pasado, un membro moi activo da nosa biblioteca. Grazas a ela, puidemos achegar ao noso alumnado moitas voces da literatura galega actual. Ela tiña que presentarnos o seu libro xusto un día antes dos premios, pero unha nube negra impediu a súa presenza. Sabemos que poderemos contar con ela e, entón, tamén nos falará de Begoña Caamaño, quen lle deu voz a Circe e a Penélope, esas mulleres invisibles pero que, sen palabras, o din todo na literatura grega.
"A Begonha Caamaño, a nosa valente", adícalle un poema en Mapa da estría, "De Circe a Penélope (ou viceversa)". Con permiso de Andrea, citarei dous versos dese poema, que recomendamos como todos os demais que configuran o libro premiado:
como sería que un día, ebrias de saudade,
saísemos destas liñas e bailásemos?
Parabéns, Andrea. Seguro que seguirás recollendo moitos froitos desa paixón túa, que é a poesía.
Aproveitando que o 17 de marzo foi o Día do Cómic, queremos recomendarvos unha pequena selección de banda deseñada. Se vos gusta ler cómics, pasade pola biblioteca. Temos unha boa selección!
A súa incursión no mundo dos libros foi aos 10 anos e comezou lendo poesía. Recitou a Lorca e a Safo, emocionando coa beleza das palabras e reafirmando a pervivencia dos sentimentos ao longo do tempo.
Finalmente, Mónica Rodríguez contestou as preguntas do alumnado e rematou convidando, unha vez máis, a ler e a desfrutar cos libros e as súas historias.
A nosa compañeira de equipo e profesora de Lingua galega, Noa Pérez ou Noa Setemuíños como se fai chamar, vén de agasallarnos co seu libro de poemas Pequeno panteón politeísta, gañador do Premio Rosalía de Castro de Poesía.
Grazas, Noa, por este agasallo e, parabéns polo premio e a publicación do libro😊
O equipo da Biblioteca deséxavos Bo Nadal e moi boas lecturas para este tempo de lecer.
Lecturas para o Nadal de Biblioteca Castro Alobre
Marisa e Fernando do equipo da biblio estiveron na presentación do libro de Xurxo Souto, A novela do Bravú. Esperamos á volta, para que nola comenten e seguro que vai ser unha das novedades da nosa biblioteca.
Temos algunha nova lectura que vos gustará. Xa é moito o alumnado que leu Invisibles, así que agora podedes ler Redes de Eloy Moreno. Tamén temos Venganza para víctimas, o último libro da triloxía de Holly Jackson.
Xa nos estamos preparando para festexar o Día das Letras Galegas, este ano dedicado ás cantareiras. Mercamos Somos pandeireteiras, "un proxecto de pensamento, articulación social e cultural promovido pola investigadora, pandeireteira e compositora Mercedes Peón".
Ademais, o equipo de biblioteca está moi orgulloso porque a nosa compañeira Andrea Nunes é unha das escritoras que participa neste libro, xunto a María Reimóndez, Ana Romaní, Susana Aríns e, por suposto, Mercedes Peón.
Con regueifas foi recibido Sechu Sende polo alumnado de 3º ESO. Coa profe Andrea como directora deste gran coro, sorprendemos a Sechu antes de transmitir a alumnas e alumnos o seu amor pola lingua. Iso si, tamén tiveron a regueifa do escritor.
Καλά Χριστούγεννα ou Feliz Nadal é o desexo do alumnado de Cultura clásica de 4º ESO que vos recomendan para estas vacacións libros de mitoloxía, de historia, de gastronomía, de poesía ou narrativa. Todas estas lecturas están relacionadas con Grecia e coa mitoloxía do mundo clásico. Lecturas moitas veces esquecidas e que é necesario recordar.
Tamén os Karabakis traen esas recomendacións lectoras. Os karabakis ou barquiñas son o adorno tradicional das illas e zonas costeiras gregas. Unha maneira de recordar o tema do PDI, Illas peregrinas.
Un Nadal clásicoA árbore de Nadal da Biblioteca estaba cargada de recomendacións lectoras.
