xoves, 31 de xaneiro de 2019

CONCURSOS

A semana do 11 ao 15 de marzo celebraremos unha semana adicada á muller traballadora. Por iso, queremos que colaboredes con nós, participando nestes dous concursos:

- Elaboración do debuxo para o cartel publicitario. Tema: a muller traballadora.
- Fotografías de "As mulleres traballadoras de Vilagarcía". As fotos seleccionadas, esperamos que sexan moitas, formarán parte dunha exposición.                                                      

Animádevos!                                                                                 
 

                                                                                                   

martes, 22 de xaneiro de 2019

COSAS QUE LOS NIETOS DEBERÍAN SABER

COSAS QUE LOS NIETOS DEBERÍAN SABER

Na última reunión do Club de Lectura de profesorado debatimos sobre o libro "Cosas que los nietos deberían saber", de Mark Oliver Everett, cantante e líder do grupo musical The Eels.

Todos estivemos de acordo en que o autor se desnuda nesta historia, na que nos relata a súa vida e vicisitudes sen filtros nen xuízos; abríndonos as portas da súa familia disfuncional, das traxedias que marcaron a súa vida e da súas propias incoherencias. O relato navega entre os dous elementos máis universais que poderían definir calquera historia: o caos e a búsqueda da orde, a rotura ou fraxilidade e a esperanza. Everett retrátanos os seus sentimentos de forma precisa, simple e contundente, con esa mesma contundencia coa que, o vai golpeando o destino ó longo da súa vida.

Alguén suxeriu que podemos atopar algún elemento de esperanza e, incluso, de autoaxuda no relato; pois o protagonista aférrase á música e logra entender, algo que non sempre é doado, cales son os camiños, estreitos, que a vida lle deixa para poder avanzar. E aquí é onde radica a forza do libro.

Non obstante, tamén convimos en que se o que se está a procurar é unha lectura sesuda e con elaborado valor literario, quizais esta historia non sería a mellor opción.

O mellor veu despois, cando tocamos a guitarra e cantamos algunhas das cancións dos Eels. Aquí foi, quizá, cando mellor entendemos o libro!






 

venres, 18 de xaneiro de 2019

LECTURA INCLUSIVA NO IES CASTRO ALOBRE

Este curso, como xa sabedes, púxose en marcha un Club de Lectura inclusiva. Alumnado de 3º ESO do noso centro comparte lecturas co Centro con Eles e co Centro de Educación Especial. A iniciativa promovida por Sandra Taboada, educadora do Centro con Eles, axiña foi acollida polo equipo da biblioteca con entusiasmo.

Despois de catro xuntanzas, a prensa de Vilagarcía faise eco da noticia. Un bo momento para reflexionar sobre a necesidade de compartir actividades e lecturas das que todos e todas temos moito que aprender.

Ler a noticia
https://www.facebook.com/2025220314369646/posts/2733054596919544

xoves, 17 de xaneiro de 2019

XULIO VERNE, COMEZA A AVENTURA

Hoxe tivemos a primeira xuntanza do ano co Club de Lectura Inclusiva. Sandra fixo a presentación da nova lectura, 20000 leguas baixo dos mares, que promete un trimestre cheo de viaxes e aventuras. De seguro que aos nosos grandes lectores e lectoras lles vai encantar. Polo menos, iso esperamos!

Na próxima xuntanza comentaremos os primeiros capítulos e veremos eses debuxos de peixes do fondo do mar que cada centro irá elaborando. Ideas creativas para un club moi especial.

BULOS OU FAKE NEWS

Novo ano e nova sesión do EpDLab. A importancia de non quedarnos só co titular das noticias, buscar información o máis obxectiva posible e non deixarnos manipular son algunhas das conclusións que o alumnado puido sacar desta actividade. Ao final, como sempre, a parte práctica, a edición dun vídeo para rexeitar as falsas noticias.









Se queredes saber como descubrir un bulo, este é o vídeo que puidemos ver.


Tamén podedes visitar Stop rumores, Stop bulos.