ÁRBORE LITERARIA DE NADAL

Estes días brillou nun dos nosos espazos lectores esta árbore de Nadal que o alumnado do Club de Lectura converteu nunha árbore literaria coas súas recomendacións lectoras. Libros para todos os gustos, pero sempre destinados á rapazada.

Tamén queremos recomendar lecturas para estes días de vacacións.

CANDO DEBUXAMOS AS LECTURAS

Como sabedes, as lecturas tamén se poden plasmar en imaxes. Ás veces, nos custa escribir, pero nos gusta debuxar. Isto foi o que fixo Carolina Claramunt Silva de 4º ESO. Reinterpretou os primeiros capítulos de Noite de voraces sombras de Agustín Fernández Paz.

ENTREGA DE PREMIOS

Custounos un pouco entregar os premios do concurso "Imaxinando un novo It" pero, finalmente, conseguímolo. Coincidiu con época de exames e foinos imposible reunir ao alumnado premiado. Estes son os marabillosos debuxos.

Parabéns!!!

Categoría A (1º, 2º e 3º ESO)

1º premio. Victoria Tabata (3º D)

2º premio. Gabriel Carbone (1º B)

3º premio. Kevin Andrés e Madeleine Naranjo (2º E)

Categoría B (4º ESO, 1º e 2ª bac.)

1º premio. Yara Tristán (4º B)

2º premio. Elena Martínez (1º A)

3º premio. Bruno Seco (4º C)

SEN LÍMITES

Fotoxornalistas destacados que non teñen límites na súa defensa dos dereitos humanos. Grazas ao seu traballo, coñecemos mellor a realidade que, non por lonxana, debe deixar de preocuparnos. 

Unha lectura sempre recomendable que podedes atopar na nosa biblioteca.

AS FAMILIAS TAMÉN IMPORTAN

No Día Internacional das Persoas con Discapacidade a biblioteca escolar recomenda lecturas para as familias.

CHEGA O NADAL

Chega decembro e con el o Nadal. O Club do alumnado axudounos a poñer a árbore que esperamos conertir nunha árbore "literaria" con recomendacións lectoras.

25N

Coma todos os anos, o 25 N non se esquece no IES Castro Alobre. Todo o alumnado participou na conmemoración desta data, aportando o seu gran de area cun único obxectivo, o rexeitamento da violencia machista. Visibilización, concienciación, compromiso, defensa, palabras que non nos cansaremos de repetir ata que non haxa nin unha máis.

      

Relato gañador de Xabi Costas (3º ESO B)

LECTURAS CONTRA A VIOLENCIA MACHISTA

E estas son as suxestións para a Hora de Ler.

CIENCIA EN GALEGO NA BIBLIOTECA

Rematando o mes da Ciencia en galego, tamén está a piques de rematar ese pequeno concurso "científico". Nos libros, como ben sabe o noso alumnado, están as respostas. Unha boa maneira de amosar libros divulgativos de temas realmente interesantes e de actualidade.

A CASA DE FORMOSO

A casa de Formoso de Héctor Cajaraville foi a lectura compartida na xuntanza do Club O niño da Curuxa. 

Despois, sorpresa de terror. Que lectura lles tocaría? Isto só é un avance.

Máis info aquí.

UNHA BOA CONTADORA DE CONTOS

Que bo rato pasamos con Verónica! Que boa contadora de contos tradicionais! O alumnado de Oratoria de 3º ESO seguro que aprendeu moitísimo co seu obradoiro. 

Contounos contos que nos fixeron rir (lembramos ese gato xuguetón) e deulles pautas a seguir para contar ben as historias. Agora lle toca a Marisa, a súa profesora, poñer en práctica estas ensinanzas e a ver se recollemos o froito. Ese concursiño que está ás portas!

A contar historias sen límites!!

IMAXINANDO UN NOVO IT

 Chegou o primeiro concurso. Un concurso de medo. Tedes que imaxinar un monstro e debuxalo. Un "novo It" terrorífico. Lede ben as bases e participade. Hai premios!!!🍠🍠🍠

LECTURAS TERRORÍFICAS

Con novembro chega o mes de terror. Na biblioteca e nos puntos de lectura do vestíbulo e dos corredores podedes atopar suxestións de lecturas terroríficas 👻👹👾👿💀. 

Animádevos a ler algúns destes libros. Seguro que vos gustarán!

SEGUIMOS COA FORMACIÓN

Seguimos coa formación de usuarios e usuarias. Esta vez foi a quenda de 1º ESO E. Tamén este alumnado atopou os libros que levaban a adiviñar o nome do PDI deste curso. Parabéns!!