O alumnado de 2º de ESO A, D e E buscou información sobre persoas coñecidas e anónimas que superaron algún tipo de límite, Despois dunha posta en común, e a partir desta información real, crearon unha personaxe que sería a protagonista dun relato breve.
Uns bonitos libros acordeón contaron a historia dunha persoa que supera algún tipo de obstáculo ou límite. Algúns foron escritos e ilustrados para un público infantil e outros para público xuvenil.
O departamento de Música co alumnado de Artes escénicas acudiu á biblioteca para desenvolver o Proxecto Documental Integrado "Sen límites".
O alumnado de Grego investigou sobre Pandora, Hércules e Medusa para ver a súa influenza ao longo do tempo ata a actualidade nos máis diversos campos.
O proxecto de Educación Física para o PDI consistiu en dar maior visibilidade ás mulleres, sobre todo, ás mulleres deportistas, e dar valor ao seu esforzo, así como animar a aoutras nenas e mulleres a seguir os seus pasos, non só deportivamente falando, senón en todos os campo da vida, sendo estas un exemplo positivo de esforzo e superación.
Neste día importante no noso centro non debemos esquecer as actividades relacionadas coa lectura. Houbo unha xincana literaria, no que cada equipo leva o nome dun autor ou autora, e Carteleando, na que o alumnado de 2º ESO tiña que realizar unha serie de probas relacionadas con persoeiros do mundo das ciencias e das artes.
Tamén houbo representacións teatrais. O alumnado de 1º ESO representou un fragmento de Segismundo y compañía de Fernando Lalana.
O departamento de Francés súmase ao Proxecto Documental Integrado con estes vídeos do alumnado de 2º de bacharelato.
O departamento de Filosofía implícase no PDI "Sen límites" co alumnado de 4º ESO. Estiveron na biblioteca misturando lectura en papel e novas tecnoloxías, necesarias para elaborar unha presentación en PowerPoint.
Consultaron, entre outros: Darwin de Tim M. Berra e Mujer, raza, clase de Angela Davis.
