A FORZA DOS BICOS EN MÚSICA

 O departamento de Música tamén se implicou no PDI co alumnado de 4º ESO.

- Actividade desenvolvida

Analizáronse 32 cancións (cada alumno/a traballou unha canción distinta) nas que aparecían referencias aos bicos, con especial atención aos seguintes aspectos:

    O texto da canción ten expresións machistas

    O vídeo amosa actitudes machistas

    O texto da canción amosa actitude de violencia cara ás mulleres

    O texto da canción contén expresións a favor do mito do amor romántico, do tipo: "non podo vivir sen ti", "amareite para sempre"...

- Conclusión da actividade

    Nun 30% das cancións analizadas aparecían expresións machistas.

    Nun 58% das cancións analizadas aparecían expresións a favor do mito do amor romántico.

KISS

 O Departamento de Inglés sumouse ao PDI co seu proxecto Kiss elaborado en 3º ESO.

A FORZA DOS BICOS NA NATUREZA

 O Departamento de Bioloxía tamén contribuíu ao PDI con A forza dos bicos na natureza, un traballo realizado polo alumnado de 1º ESO e 1º de bacharelato. Unha preciosidade de investigación. Parabéns!!

Biblioteca Castro Alobre

EL BESO

No departamento de Lingua castelá, o alumnado de 2º ESO tivo que ir á Biblioteca para buscar unha obra literaria onde aparecese un bico. A partir dese bico, tiñan que elaborar un traballo no que se explicase por que os personaxes se bicaban, quen escribiu a obra (cunhas pinceladas da súa autobiografía) e afondar na historia e nos personaxes. Ademais, tiñan que desenvolver unha breve historia. Finalmente, expuxeron na clase as súas pescudas.

DÍA INTERNACIONAL DO BICO

 O 13 de abril celebramos o Día do bico con este vídeo no que aprendemos a dicir "bico" en diferentes linguas.

A FORZA DOS BICOS

 A forza dos bicos chegou con Antonio García Teijeiro. O alumnado de 2º ESO leu poemas con temática "bico" e contaron unha historia desde a súa perspectiva. Un bo traballo.

Isto foi todo o que fixeron. Redacción dun conto inventado a partir dun poema diferente do escritor Antonio García Teijeiro (extraído de volumes deste autor como Bicos, bicos e máis bicos, Bicos e non balas e Bicos na voz). Acompañar dunha pequena ilustración. 2-3 horas. Con todos os contos elaborouse un mural que foi colocado no corredor (zonas de tránsito) do instituto. A lírica e a narración como xéneros literarios son contidos deste nivel.

En 4º ESO, traballouse en tres grupos. Actividade elaborada de forma individual, en parellas ou en pequenos grupos. 2-3 horas de clase. Elaboración dun poema utilizando dous códigos (galego e castelán) e imaxes, que incluíse a palabra "bicos" polo menos unha vez. O alumnado partía dunha serie de libros vellos da biblioteca (que estaban para ser retirados) para ir recortando palabras e elaborar a súa actividade como faría un poeta vangardista. Mes de abril. Con todos os poemas elaborouse un mural. a vangarda na literatura galega é un contido deste nivel.

      

A FORZA DAS MULLERES NAS ARTES

A forza das mulleres nas artes é a proposta da biblioteca para o Día da Muller. Queremos dar a coñecer a grandes mulleres descoñecidas e facémolo mediante un concurso. Ademais do alumnado, poderá participar o profesorado. Convidamos a profesores e profesoras que animen á rapazada. É unha maneira máis de implicarse neste día. Podemos falar delas e seguro que de moitas máis.

A forza das mulleres nas artes de Biblioteca Castro Alobre

OS BICOS

O alumnado de 3º ESO participou no PDI "A forza dos bicos" en Valores cívicos e éticos. Traballaron en grupos sobre Os bicos nas diferentes culturas, Bicos e consentimento, Bicos e educación sexo-afectiva, Bicos e dereitos LGBTQ, Bicos e amor romántico ou Bicos na arte ou na historia. Finalmente, expuxeron na clase toda a súa aprendizaxe que, seguro, foi moita.

Grazas Adela (xefa do departamento de Filosofía) por participar noa proxecto a parabéns ao alumnado.

BICOS FORZADOS

 Bicos forzados é a contribución do departamento de Grego ao PDI deste curso "A forza dos bicos". O alumnado de Cultura clásica de 4º ESO tivo que informarse sobre mitos nos que se contaban violacións, raptos ou persecucións. Despois de ter comprendida a información, debían seleccionar a parte da historia na que estivese presente a violencia machista. Finalmente, elaboraron un mural para expoñer nos corredores  o 25 N.