CLUB DE CIENCIAS

 Este domingo, 8 de xuño, foi en Vilagarcía Salnés Ciencia. Entre outros, participou o Club de Ciencias do noso instituto. Un grupiño de profesoras e profesores conseguiron, durante todo o ano, que alumnas e alumnos participasen neste Club. Tiveron xuntanzas nas que aprenderon un montón de cousas científicas. E xust,o en Salnés Ciencia, amosaron algunhas delas, como facer uns bonitos colgantes con plástico reciclado. A este foro científico tamén levaron un lote de libros da biblioteca moi apropiado co tema que estiveron traballando.

Parabéns ao profesorado polo entusiasmo en transmitir a ciencia ao alumnado e, por suposto, a ese alumnado que participou. Unha proposta para continuar!!😍

UN LIBRO ESPECIAL

 O Día do Libro tamén aproveitamos para ler algúns fragmentos de A historia interminable de Michael Ende. Un deles foi a chegada da Emperatiz Infantil xunto ao Vello da Montaña errante. E así recreou o alumnado ese lugar.

PARELLAS MITOLÓXICAS

 O alumnado de Grego e de 4º de Cultura clásica elaborou uns murais nos que Eros foi o protagonista. Nestas creacións non podía faltar Safo, a nosa poeta.

FINALISTAS "MÓVETE CO BIOETANOL"

 No mes de outubro o alumnado de 3º ESO tivo un encontro con Big Van Ciencia do que nos fixemos eco neste blog (https://bibliocastroalobre.blogspot.com/2024/10/big-van-ciencia.html). Helena e Oriol convidou ao alumnado a participar no concurso Móvete co Bioetanol e un grupiño de alumnos e alumnas de 3º ESO B puxéronse a traballar no guion, a gravar e presentaron un vídeo. Todo isto baixo a dirección da profe de Física, Ángeles.

Hoxe, están en Santiago, na Gala Final "Móvete co Bioetanol", porque o seu vídeo está entre os oitofinalistas. Que nervios! Podedes seguir a gala en directo. Empeza ás 11.00 h.

Desexámoslle moitísima sorte, porque o seu traballo é realmente bo. Para nós xa é un grande premio que estean aí. Podesde estar orgullosos e orgullosas. Desfrutade da gala!!!

Parabéns do equipo de biblioteca!!

ESCRIBINDO CARTAS

A correspondencia na I Guerra Mundial é un proxecto do departamento de Xeografía e Historia que estes días se expón no espazo da Biblioteca no primeiro andar.

Estas cartas foron escritas polo alumnado de 4º ESO do curso pasado (2023-2024). Un proxecto moi interesante do que seguro aprenderon moito. 

Nun momento, no que a comunicación é inmediata, esquecémonos deses tempos nos que ter noticias de alguén querido era un proceso moi lento, que provocaba angustia en situacións difíciles como as guerras.

Diseño de Biblioteca Castro Alobre

A XENTE NON CAMBIA

"A xente non cambia, quita a máscara" é a proposta artística do alumnado de plástica. Estes días expóñense os seus traballos na cafetería, uns deseños dignos do Entroido.

GRANDES ARTISTAS

 Os cómics son libros moi solicitados na nosa biblioteca. As ilustracións acompañadas (ou non) de texto marabillan á rapazada. Nós tamén temos Grandes Artistas aos que lles gusta debuxar e quen sabe se, algún día, ilustrarán eses libros que tanto len.

Happy wedding anniversary ! de Biblioteca Castro Alobre

ROSAL.IA NOS MEDIOS

O proxecto ROSAL.IA non para de darse a coñecer: xornais, radio e tele galega. 

Agora mesmo xa están na TVG. Mirade que guapos e guapa está tamén a profe. Cantos aplausos merecen👏👏👏

A Voz de Galicia publicou no día de hoxe "Os rapaces que puxeron a Bad Bunny a cantar os versos de Rosalía de Castro. Para ler toda a noticia clicade aquí. 

E se queredes escoitar a súa intervención mais a de Marisa na radio Galega aquí a tedes.

ROSAL-IA

 Esta é a mellor maneira de recordar a Rosalía, cun proxecto marabilloso de dous alumnos do noso centro. Felicitamos aos alumnos, pero tamén á profe Marisa por saber incorporar a IA á súa materia e motivar ao seu alumnado.

ROSAL.IA é un proxecto de Miguel Rodríguez (Migueldinho) e Hugo Costa (Huguito), alumnos de 1º de bacharelato do noso instituto que, utilizando a intelixencia artificial, desenvolveron un traballo que ten como obxectivo difundir a figura de Rosalía de Castro a través de iconas da música pop actual.

Todo comeza como unha proposta da profesora de Lingua galega, Marisinha, que lle pide ao seu alumnado que cree un produto de divulgación da Literatura galega a partir da IA. 

Boa mostra disto é este produto final no que se fusionaron dous mundos aparentemente distantes. O resultado é un EP de 5 cancións nas que Bad Bunny dá voz ao poema de Rosalía se Castro Adiós ríos, adiós fontes; Rosalía a Así mo pediron; Feid a Por que me odias? e Enrique Iglesias a Tiven un cravo, poema que tamén interpreta Walter Alejandro, que o presenta a ritmo de ranchera.

A CÉLULA

 As vosas creacións forman parte do noso blog. É realmente interesante divulgar o traballo do alumnado, porque sabe facer moitas cousas e moi ben; como exemplo, estas células de 1º ESO na materia de Bioloxía.

HELEN KELLER

Un exemplo de superación é o de Helen Keller, escritora, activista e oradora sordocega. Sara, Antón, Carlota, Guillermo e Andrés (4º ESO A) dánnola a coñecer. 

Lectura moi recomendable.

ORGULLOSA DE SER YO MISMA

Así comeza o lema que 1º ESO C plasmou no cartel para o Día da Muller Traballadora. Na elaboración deste cartel participaron Sabela Toribio, Uxía Bemposta, Iria Baños e Paula Rubianes. 

O equipo da biblioteca quere felicitar a estas grandes artistas por este magnífico traballo👏👏👏

PINTANDO UN LAXEIRO

A profe Marisa levou ao alumnado do agrupamento de Lingua e exención de 1º e 2º ESO a visitar a exposición de Laxeiro, que podemos ver no Auditorio de Vilagarcía. Acompañounos a profe Concha para explicarlles as características da pintura que estaban a ver. Gustou a exposición e gustaron as explicacións.

Para rematar a xornada didáctica, o alumnado sorprendeunos con esta marabillosa pintura.

A creatividade non ten límites!! Agocharase algún pintor ou pintora entre o alumnado asistente?👀👀

VIAXANDO POLOS PARQUES NATURAIS

Non hai límites na creatividade do noso alumnado. De novo en Xeografía, coa profe Marisa, o alumnado de 1º ESO A e B tivo que poñer a pobra os seus coñecementos dos parques naturais e plasmar o elixido nunha maqueta. O resultado foi incrible. Unha maneira diferente de aprender moi atractiva.

Parabéns polas vosas creacións! 👏👏👏

Parque naturais de 1º ESO B

                         

                               

Parques naturais de 1º ESO A

DESEÑANDO MAPAS

Desde a Biblioteca encántanos amosar o traballo do alumnado. En Xeografía e Historia, co profe Iñaki, fixeron estes mapas físicos de España. Seguro que o alumnado de 2º ESO aprendeu moito, ademais de pasalo ben.

Parabéns!!