Os Sneetches

 Na xuntanza deste mes do Club E ti que contas? lemos Os Sneetches, unha historia tradicional inglesa cuns gansos moi divertidos. Aprenddemos que o importante non é que sexamos todos iguais, porque a diferenza nos fai persoas únicas. Esta vez tocounos ler na biblioteca do Colexio de Educación Especial.

DE FESTA EN FESTA

 De festa en festa é o libro que leremos no Club de lectura E ti que contas?, un libro que convida á diversión e, por suposto, a un percorrido por esas festas tradicionais galegas.

Hoxe xuntámonos na nosa biblioteca e presentámonos. Ampliamos o club e hai moitas caras novas!!! Do insti o alumnado de 3º e 4º PDC e do cole a aula azul, gris e branca. Tamén temos unha nova incorporación de profe. Ademais de Encarna, Isa e Lupe, súmase a profe Silvia.

Para a nova xuntanza, leremos a vendima e xa temos algunha que outra canción popular.

MOITO MÁIS QUE XESTOS

  Na xuntanza do club E ti que contas? falamos de xestos. Tras a lectura de Pequeños Grandes Gestos en el deporte, falamos da importancia dalgúns deportistas xa non por ter acadado vitorias deportivas, senón por defender os dereitos humanos, a igualdade e rexeitar determinadas imposicións nada democráticas. Tamén falamos deses pequenos grandes xestos que, cada día, facemos nós por mellorar a convivencia e que nos fan sentir mellor persoas.

Máis info e máis fotos no blog do club 

https://clubdelecturacuruxaina.blogspot.com/2024/05/moito-mais-que-xestos.html

E TI QUE CONTAS?

 Pelé foi o deportista convidado á xuntanza do Club. Falamos de esforzo, de soños cumpridos e por cumprir, de premios, de fútbol. Lemos como se converteu na estrela que foi e comparamos a súa historia coa de Muhammad Ali, a anterior lectura.

Despois propuxemos un obradoiro de máscaras, porque se achega o Entroido e non nos volveremos a ver ata despois das vacacións cunha nova historia, a de Nadal.

Por certo, tamén nos despedimos de Martín que deixa o cole para ir ao centro con Eles. Seguro que se atopará moi a gusto nesta nova etapa, aínda que o botareomos de menos. Boa sorte, Martín!

E TI QUE CONTAS?

 No Día Internacional das Persoas con Discapacidad quixemos dar a coñecer a toda a comunidade educativa o club de lectura E ti que contas?, unha experiencia moi enriquecedora na que o alumnado aprende a compartir experiencias cos compañeiros e compañeiras do Colexio de Educación Especial.

DESPOIS DE MOITO TEMPO...VOLVEMOS

Si, así é. Por fin, volve o Club de lectura inclusivo. Por fin, o alumnado do Colexio de Educación Especial volve a nosa biblioteca para compartir unha lectura, A cebra Camila.

Sthefany, Leandro, Valentina e Elif leron o conto, mentres os compañeiros e compañeiras ían vestindo a Camila e quitándolle as bágoas, para amosar a súa progresiva felicidade. 

Aprendemos moitas cousas e compartimos uns bos momentos que xa botabamos de menos.

LECTURA E REIVINDICACIÓN

Unha nova xuntanza de O niño da curuxa para repartir as novas lecturas: Vampira de biblioteca de Ledicia Costas e 22 segundos de Eva Mejuto. Despois O Club sumouse a un acto reivindicativo promovido polo grupo de diversidades afectivo-sexuais a favor das mulleres trans baixo o lema, As "mulleres trans" non son "mulleres trans", son mulleres. Unha boa maneira de empatizar coa temáyica dunha das lecturas propostas.

En quince días, haberá unha sorpresa.

 

"NARRACIÓNS VISUAIS" INCLUSIVAS

O 10 de decembro conmemórase o Día Internacional dos Dereitos Humanos. Este ano queremos darvos a coñecer a Robin Hammond, un fotógrafo australiano e fundador de Witness Change, unha organización que promove os dereitos humanos a través da narración visual.

Recomendamos visitar a súa web para ver e ler esas marabillosas e emotivas narracións visuais nas que denuncia:

• a discriminación que sofre a comunidade LGTBQI+ no seu traballo Where love is illegal
• as condicións das persoas con trastornos neurolóxicos en In my world

Recomendamos, tamén, a visualización do vídeo Condemned sobre as enfermidades mentais en África.   

 

E TI TAMÉN LES?

Nesta presentación podedes atopar libros que xa tiñamos e libros novos. Aínda que a biblioteca está pechada como espazo para "estar", está aberta para solicitar libros. Non deixedes de ler!

                                                                 Para ver as lecturas fai clic aquí

UN DÍA DO LIBRO DIFERENTE

A nosa vida está medio parada ou, polo menos, separada desa mocidade lectora e da que non o é tanto, porque xa sabemos que, por moito que nos empeñemos, a moito do noso alumnado lle custa ler. 

Certamente, este blog sufriu un parón importante. Deixou de ter vida desde o momento no que nos tivemos que quedar na casa. Podiamos empeñarnos en recomendar libros ou podiamos involucrarnos nesa febre momentánea que non paraba de mandar ligazóns e ligazóns a todas partes como senón tivésemos unha preocupación maior. 

O noso alumnado podía ler libros gratuitos en diversas plataformas, podía visitar museos virtuais, podía participar nun feixe de concursos que lle podiamos presentar, podía, podía..., podía facer de todo e máis se houbese. O problema é que nos esqueciamos do máis importante. Como estaban esos mozos e mozas? Realmente a maioría estaba pensando en consumir toda esa oferta que se lle facía desde mil e unha bibliotecas e outros espazos? Preguntado como estaba un pequeno grupo do que teño o orgullo de ser profesora, a resposta foi unánime. Estes eran os seus sentimentos:

    tristura                                 agobio                             estrés                            enfado                             desánimo                            aburrimento                   ansiedade                     desesperación

Son amante dos libros, son amante das bibliotecas, pero os meus esforzos tiñan moi claro o seu destino, tratar de manterme en contacto con esta xuventude, intentar que me falasen. Desexo nada fácil. Non vía e non vexo as súas caras e temo, nalgún momento, a súa desconexión. Non son lectores nin lectoras, non lles gusta ler. Formaban parte dun Club de Lectura Inclusiva, un grupo marabilloso de xente reunida entorno a un libro. Estaban aí, porque eu os acompañaba e os guiaba Pero agora, que lecturas lles vou ofertar se necesitan acompañamento, se necesitan forzas para seguir adiante? Non teño a resposta pero, mentras isto ocorre en moitos hogares da nosa vila, hoxe, 23 de abril, celébrase o Día do Libro. A vida segue e seguimos pensando o mesmo, os libros son uns bos compañeiros de viaxe pero, para iso, tenos que gustar ler.

Este é o seu traballo.
Guadalupe Vilar, coordinadora da biblioteca

l

É como é o Día do Libro,este é o díptico para conmemoralo.

E un vídeo da biblioteca pública Almodi da Rede de Bibliotecas Municipais de Llíria (Valencia) que recibiu o premio "Biblioteca pública y compromiso social" (2019) polo seu proxecto "Biblioteca fácil", todo un exemplo a seguir.

Por último, unha viaxe polas 11 bibliotecas máis impresionantes do mundo. Deixamos para outro día as recomendacións lectoras. Supoño que saberedes comprendelo. Moitas grazas aos lectores e lectoras deste blog por acompañarnos nestes tempos difíciles e noutros mellores que, sen dúbida, virán.

NOVA XUNTANZA, NOVA LECTURA

Despois dun mes de febreiro adicado á poesía no que lemos a Fran Alonso,

 

Sandra, a monitora do Centro con Eles, sorprendeunos coa próxima lectura. Nada máis e nada menos que A Celestina, un auténtico clásico! E para introducir este libro, falounos de Fernando de Rojas e de Calisto, Melibea e, por suposto, da "alcahueta" Celestina, palabra que espertou as risas da rapazada. Seguro que aprenderemos moito con este libro. Esperemos que lles guste!

 

LECTURA FÁCIL

O luns 17 de febreiro algunhas das persoas que formamos o club de lectura Curuxaina combinamos para comentar a primeira das lecturas deste curso, a  novela de Cristina Morales Lectura fácil .

A obra escollida para esta primeira xuntanza do ano non deixou indiferente a ninguén e foron moitos os aspectos sobre os que debatemos como, por exemplo, a visión das distintas discapacidades das protagonistas, os límites de certos sistemas (xudicial, político, administrativo, etc.), a multiplicidade de técnicas narrativas empregadas, o humor que transloce nalgún dos discursos ou o uso da linguaxe na conformación das personalidades de cada unha delas.

Ademais, o bo ambiente e as ganas de manter este tipo de iniciativas fixo que acordaramos a seguinte obra e a seguinte xuntanza...vémonos nun mes co Carrusel de Berta Dávila!

Raquel Fernández

REGALA DIVERSIDADE. PREMIOS

Hoxe a biblioteca acolleu a entrega de premios do concurso Regala diversidade, convocado polo Grupo de Diversidades afectivo-sexuais e a Asociación de Comerciantes Zona Aberta. Ao acto, presentado pola coordinadora do grupo, Paloma García, asistiron a directora, a presidenta de Zona Aberta e o xurado, así como alumnado e profesorado do noso centro.

1º premio: Sonia Vázquez

2º premio: Manuel Esperón

3º premio: Eduardo Hope

Queremos dar os nosos parabéns ao alumnado gañador, pero tamén recoñecer a calidade das demais fotos participantes; por iso, publicámolas na seguinte ligazón

 https://photos.app.goo.gl/Ej8SuURKD4Vtc6waA

Se queredes ver a exposición de fotos, visitade a cafetería do instituto. Paga a pena.

                             

                            

CINE CON PALOMITAS

Reuniuse o Club de lectura inclusiva para ver a película Los viajes de Gulliver. A "sala de cine" foi unha acolledora biblioteca á que iamos por primeira vez. A biblioteca do Colexio de Educación Especial serviu, hoxe, de punto de encontro para disfrutar da última sesión adicada a Gulliver e as súas viaxes. No medio da película, unha sorpresa: palomitas! Agradable compañía, unha película divertida, pódese pedir máis?

REGALA DIVERSIDADE

O Grupo de Diversidades afectivo-sexuais xunto á Asociación de Comerciantes Zona Aberta convoca o I Concurso de fotografía "Regala Diversidade". Tedes de prazo ata o 8 de febreiro. Lede as bases e enviade as vosas fotos a esta dirección de correo  lgtbihca@gmail.com .

Animádevos!!

DEBUXANDO A GULLIVER

Rematamos trimestre e rematamos libro no Club O Labirinto. O alumnado de 3º PMAR ensínavos as láminas debuxadas da primeira parte do libro de Gulliver. Cando todos os membros do club rematen a súa particular visión deste libro, o alumnado do Colexio de Educación Especial fará a encuadernación. Seguro que quedará xenial!

O CLUB SEGUE A SÚA VIAXE

Chegamos ao final do trimestre e o Club de Lectura inclusiva reuniuse de novo para seguir viaxando con Gulliver. Foi un xoves moi intenso xa que, despois de amosar a súa faceta creativa, os lectores e lectoras que comparten viaxe co alumnado de 3º PMAR volveron, esta vez á biblioteca, para recordar as aventuras do noso protagonista no país dos xigantes. 

Pasamos uns bos momentos e puxémonos tarefas para a nova xuntanza do vindeiro ano. Remataremos de ler o libro, seguiremos ilustrando "o noso libro" desas marabillosas viaxes e, xa no 2020, veremos a película. E, por suposto, pensaremos a nova lectura.

Moita felicidade e moito agarimo para esas personiñas lectoras que xa forman parte dos nosos mellores momentos.

TODOS E TODAS PINTAMOS MOITO

Este ano no noso centro temos unha árbore de Nadal especialmente bonita. Foi pintada e decorada nunha sesión realmente emotiva, na que o alumnado de Técnicas gráfico-plásticas se implicou de verdade. Da súa man alumnos e alumnas do Colexio de Educación Especial e persoas do Centro con Eles pintaron a decoración que despois colocaron na nosa árbore.

Foi un día para recordar e, desde logo, para repetir. Un exemplo máis de que todos e todas pintamos moito nesta sociedade. Que sirva de exemplo!