xoves, 29 de xuño de 2023

La desconocida

Última xuntanza do Club do profesorado. O motivo era comentar as nosas impresións sobre La desconocida de Rosa Montero e Olivier Truc. Coincidimos en que era unha historia entretida e que mantiña o interese da persoa lectora. Como, por motivos varios, eramos moi pouquiñas decidimos volver comentar esta lectura en setembro; por iso, nesta entrada non comentaremos nada máis, para non dar pistas.

mércores, 28 de xuño de 2023

LENDO SOBRE BOB DYLAN

Última xuntanza do Club de lectura inclusiva, un club de escoita exemplar no que mozos e mozas se sentiron moi a gusto. Nesta sesión o alumnado encargado de ler foi o de 3º de ESO do noso club. Participaron con moitas ganas. Ademais, contamos con Irene e Fran que se encargaron de presentar as actividades. E tamén con outras alumnas de Oratoria que nos axudaron en todo momento. Encargáronse de recibir aos compañeiros e compañeiras e ás profesoras do cole e de facerlle uns bonitos debuxos nunhas libretiñas de agasallo. 

Agradecemos a participación de todo este alumnado e esperamos que siga a colaborar con nós.

 

Despois da lectura e de escoitar algunha canción de Bob Dylan, fomos ao Salón de actos para ver unha representación teatral dirixida pola coordinadora do Club, Teresa, e interpretada polo alumnado de 2º ESO. Representaron Menuda nochecita e fixérono realmente ben.
E, por último, unha merenda na cafetería para compartir uns momentos de lecer. Só nos queda despedirnos ata o próximo curso que xa comezaremos desde o principio con moita forza.

SEN LÍMITES

 O alumnado de 1º de bacharelato científico na materia de Bioloxía gravou uns podcast dentro do PDI Sen límites. Tratan sobre as discapacidades motoras, o envellecemento celular, os accidentes, a audición, os deportes, a idade e a visión.
Discapacidades motoras

A CÉLULA

 As vosas creacións forman parte do noso blog. É realmente interesante divulgar o traballo do alumnado, porque sabe facer moitas cousas e moi ben; como exemplo, estas células de 1º ESO na materia de Bioloxía.


HISTORIAS SEN LÍMITES

O alumnado de 2º de ESO A, D e E buscou información sobre persoas coñecidas e anónimas que superaron algún tipo de límite, Despois dunha posta en común, e a partir desta información real, crearon unha personaxe que sería a protagonista dun relato breve.

Uns bonitos libros acordeón contaron a historia dunha persoa que supera algún tipo de obstáculo ou límite. Algúns foron escritos e ilustrados para un público infantil e outros para público xuvenil.



luns, 19 de xuño de 2023

TRES ESCENAS

O departamento de Música co alumnado de Artes escénicas acudiu á biblioteca para desenvolver o Proxecto Documental Integrado "Sen límites". 


martes, 6 de xuño de 2023

ORGULLO LGTBI+

En xuño celebramos o Día do Orgullo LGTBI+. Apoiamos ao Grupo de Diversidade afectivo-sexual que fai un gran esforzo para que o respecto e a igualdade cheguen a ser unha realidade. Temos a obriga de traballar con este grupo de alumnado e profesorado para defender os seus dereitos, que son os dereitos que toda persoa debe ter. 

 Desde a biblioteca recomendamos lecturas moi interesantes.

XINCANA LITERARIA

O Club de lectura viaxou a Santiago para facer unha xincana literaria-fotográfica. Pasárono moi ben e visitaron a cidade doutro xeito.

Máis info nesta ligazón http://clubdelecturacuruxaina.blogspot.com/2023/05/xincana-literaria.html

ENTREVISTAS "SEN LÍMITES"

 Esta é a colaboración do departamento de castelán co alumnado de 2º ESO.



DE GRECIA AL MUNDO

O alumnado de Grego investigou sobre Pandora, Hércules e Medusa para ver a súa influenza ao longo do tempo ata a actualidade nos máis diversos campos.


AS MULLERES NON TEÑEN LÍMITES

O proxecto de Educación Física para o PDI consistiu en dar maior visibilidade ás mulleres, sobre todo, ás mulleres deportistas, e dar valor ao seu esforzo, así como animar a aoutras nenas e mulleres a seguir os seus pasos, non só deportivamente falando, senón en todos os campo da vida, sendo estas un exemplo positivo de esforzo e superación.

PARABÉNS "POÉTICOS"

Queremos felicitar a Marina Montenegro Jamardo e a XerOme Vence Nieto polos premios conseguidos no II Concurso de Poesía Xaquina Trillo organizado pola Mesa das Verbas de Vilagarcía. 

Para que poidades disfrutar da súa lectura, aquí tedes os poemas gañadores.


1º premio
2º premio