NÓS DE CASTELAO, HOXE

A profesora Marisa quere cerrar o curso recordando a Castelao cun álbum de estampas e palabras, Nós, con fotos actuais "que berran as mesmas inxustizas que el denunciou". 

CLUB DE CIENCIAS

 Este domingo, 8 de xuño, foi en Vilagarcía Salnés Ciencia. Entre outros, participou o Club de Ciencias do noso instituto. Un grupiño de profesoras e profesores conseguiron, durante todo o ano, que alumnas e alumnos participasen neste Club. Tiveron xuntanzas nas que aprenderon un montón de cousas científicas. E xust,o en Salnés Ciencia, amosaron algunhas delas, como facer uns bonitos colgantes con plástico reciclado. A este foro científico tamén levaron un lote de libros da biblioteca moi apropiado co tema que estiveron traballando.

Parabéns ao profesorado polo entusiasmo en transmitir a ciencia ao alumnado e, por suposto, a ese alumnado que participou. Unha proposta para continuar!!😍

CERTAME POÉTICO ROSALÍA DE CASTRO

 A profe de Lingua galega, Noa, acaba de gañar o certame poético Rosalía de Castro, que convoca o Concello de Padrón. A obra gañadora é "Pequeno panteón politeísta". O xurado do certame destacou "a forza de certas imaxes, o humor, a ironía coa que reflexiona sobre lembranzas da súa infancia e a frescura coa que aborda a súa xeografía sentimental".

O equipo de biblioteca quere amosar a súa alegría por este premio, xa que Noa, ademais, forma parte do equipo. Coñeciamos a súa faceta como escritora de narrativa, pero descoñeciamos a súa faceta de poeta.

Animámosvos a ler O ocaso da familia Portela, que podedes atopar na biblioteca.

E para ti, Noa, os noso parabéns!😍😍

FEIRA PORTUGALEGA

 Un ano máis, a profesora Marisa Moreda organizou a Feira Portugalega. Nesta ocasión outra compañeira nosa, Andrea Nunes presentou o libro Somos pandereiteiras, coordinado por Mercedes Peón. Andrea é unha das autoras deste libro.

AGARDÁMOSTE COS LIBROS ABERTOS

 Recuperamos esta campaña publicitaria de hai xa uns cantos anos,

               porque vos queremos ver na biblioteca

                porque temos novidades que esperan por vós, lectores e lectoras,

                    porque unha biblioteca sen libros abertos non podería existir pero...

                     unha biblioteca sen lectores e lectoras non tería vida, aínda que tivese libros.

Por iso, temos libros abertos, para ler, para mirar, para compartir e para pensar

                                                     para imaxinar e para crear

En definitiva, para disfrutar. Agardámosvos cos libros abertos!!!

Agardámoste cos libros abertos de Biblioteca Castro Alobre

ABRIMOS AS PORTAS DA BIBLIOTECA!!!

    Comezamos curso escolar cunha nova moi satisfactoria. Recuperamos a nosa biblioteca. Si, xa podedes ir ler, facer traballos, buscar información, libros, películas ou, simplemente, estar nela.

    Estamos a preparar o Protocolo Covid para que a reapertura sexa segura: distancia de seguridade, máscara, hixiene de postos e mans e aforo reducido a un 75% da súa ocupación total. Publicaremos estas medidas no blog para dalas a coñecer.

    O curso pasado tiñamos unha biblioteca chea de libros e, tamén, chea de alumnado. Isto estaría moi ben se alumnos e alumnas fosen alí voluntariamente, pero a biblioteca, por motivos que todos e todas coñecemos, tiña función de aula. Nesa aula de 1º ESO D estaba Sabela. Sabela Fernández Blanco leu La biblioteca de los libros vacíos de Jordi Sierra i Fabra para a materia de Lingua castelá e Literatura, un libro que fala da importancia das bibliotecas e da necesidade de telas e usalas para a formación da cidadanía. Esta alumna fixo un vídeo extraordinario sobre este libro co que queremos inaugurar este novo curso escolar. Un curso moi especial de reapertura e reencontro cun espazo cheo de saber e de aventuras, imprescindible nun centro educativo. E nada mellor para inauguralo que un vídeo sobre bibliotecas e libros creado por unha alumna.

    Grazas, Sabela, polo teu traballo e grazas, tamén, a súa titora e profesora de Lingua castelá, Lupe Porto, por compartilo con nós.

Para ver o vídeo clicar aquí

MAPA PROXECTOS "SELLO CCB"

A Comisión Permanente do CCB publicou na súa web un mapa interactivo dos gañadores e finalistas do Selo CCB. A nosa biblioteca aparece como gañadora do ano 2018 co seu proxecto Rescatando culturas (podedes consultado aquí).

Máis info: https://www.ccbiblio.es/mapa-interactivo-para-el-sello-ccb/

MELLORES BLOGSPOT DE BIBLIOTECAS ESCOLARES

    Queremos agradecer a Eva Vilches, administradora de  sooluciona.com, a inclusión do blog da nosa biblioteca na selección que fixo dos mellores Blogspot de bibliotecas escolares 2020.

    Podedes consultar a súa listaxe nesta ligazón https://sooluciona.com/los-mejores-blogspot-de-bibliotecas-escolares-de-2020/.

COMEZAMOS O PRÉSTAMO

 

QUE FAREMOS NA BIBLIOTECA SEN BIBLIOTECA?

Este curso preséntase especialmente duro e moi diferente para alumnado e profesorado. Debemos acostumbrarnos a unha serie de normas tan estrañas como necesarias: non compartades, non traballedes en grupo, non fagades deportes de contacto... A pantasma da COVID 19 está rondando e é, realmente, un asunto moi serio.

Tamén a biblioteca escolar se verá afectada polo virus. No noso caso quedamos sen biblioteca. Xa non haberá ese espazo de encontro, de lectura, de estudo, do cal estabamos tan orgullosos e orgullosas. Soarán prohibicións continuas: non toquedes os libros, non collades películas, non veñades con compañía a solicitar os préstamos e, mellor, se non vides; sempre temos un correo electrónico para axudarvos. 

É unha mágoa, pero ten que ser. 

A biblioteca pecha e se converte en aula. É necesario acoller a trinta alumnos e alumnas, que se verán rodeados de libros. Libros que será difícil prestar, porque non podemos expoñer nos diversos espazos lectores que tiñamos e desapareceron. Totalmente necesario, de novo. 

Pero a pregunta é, como imos dinamizar unha biblioteca sen biblioteca?

Quédanos o blog, pero sabemos que así é moi difícil mover ao alumnado. O meu ánimo como coordinadora da biblioteca está moi baixo. Doe poñer carteis de "Non tocar". Como faremos a xestión da biblioteca? Preguntas aínda sen resposta.

De momento, "o papeleo", o Protocolo da biblioteca que podedes consultar aquí https://drive.google.com/file/d/16h3qYDpvMR22djhN8UJ14B_RjA1GmJVu/view?usp=sharing

De xeito resumido e máis dinámico este vídeo

EXPOSICIÓN VIAXEIRA

As fotos  de Antonio Pampliega que formaron parte da campaña solidaria O seu futuro depende de nós, desenvolvida dentro do proxecto Rescatando culturas, viaxaron ao IES de Vilalonga para, no Día das Bibliotecas, lembrarse de todas aquelas persoas que son unhas auténticas supervivintes.

Esperamos que o profesorado e alumnado de Vilalonga valore e disfrute esta exposición como o fixemos nós no seu día. 

Queremos agradecer á biblioteca do centro o seu interese por este traballo e a difusión do mesmo.

        

               +info http://abeiradaspalabras.blogspot.com/2019/10/dia-da-biblioteca.html

MOMENTOS DE LECTURA

Aínda que con un pouco de retraso, despois do período estival e o inicio de curso,  retomamos o blog para poñervos ao día das nosas actividades lectoras.

Comezamos co Club de lectura do alumnado que este xoves no recreo terá a súa primeira reunión coa coordinadora Lourdes Acuña. Animo a todos os lectores e lectoras a asistir a esta xuntanza para planificar as lecturas.

Tamén está quentando motores A Curuxa sabia, o club de lectura do profesorado. Segue como coordinadora a infatigable e entusiasta Esther Torres e teremos novas incorporacións. Xa se está planificando a xuntanza para comentar este libro.

E como de ler se trata, iniciaremos o luns 7 de outubro a Hora de Ler co seguinte calendario.

RECOÑECEMENTO DO CONCELLO

O Equipo de biblioteca agradece o recoñecemento do Concello tras obter o Sello CCB (Consello de Cooperación Bibliotecaria) polo proxecto Rescatando culturas.

Ler noticia aquí

DISTINCIÓN SELLO CCB 2018

A Biblioteca do IES Castro Alobre resultou gañadora da Distinción Sello CCB 2018 na categoría de Bibliotecas escolares.

O Consejo de Cooperación Bibliotecaria, organismo dependente do Ministerio de Cultura, vén de recoñecer o proxecto do curso pasado, Rescatando culturas  (pinchar aquí), modelo de boas prácticas.

O 20 de febreiro entregáronse as distincións na Biblioteca Rexional Joaquín Leguina de Madrid, acto ao que acudimos cun grande orgullo. O Equipo de biblioteca está encantado de podervos transmitir esta boa noticia.

No acto de entrega fixemos unha presentación do proxecto.

Guadalupe Vilar Bernárdez, coordinadora de la #bibliotecaescolar del IES Castro Alobre, presenta el proyecto "Rescatando culturas" ganador del #SelloCCB 2018 pic.twitter.com/k0taI0qNK9

— CCB (@CCBiblio) 20 de febrero de 2019

A distinción na categoría de bibliotecas escolares foi entregada por Nuria Manzano Soto, Directora do Centro Nacional de Innovación e Investigación Educativa.

#SelloCCB 2018 #bibliotecasescolares al proyecto "Rescatando culturas" del IES Castro Alobre https://t.co/pYU833iDM1 pic.twitter.com/Aqz3ZZrbpL

— CCB (@CCBiblio) 21 de febrero de 2019

A biblioteca recibiu parabéns do Concello de Vilagarcía e doutras institucións.

A noticia publicouse nos medios de comunicación.

Noticia completa aquí

Noticia completa aquí

Noticia completa aquí

Esta distinción que recibiu a biblioteca é, tamén, un recoñecemento ao traballo do profesorado e alumnado que se implicou nas diferentes actividades propostas. Os nosos agradecementos.

E por se queredes ver o proxecto gañador, podedes premer aquí.

COMPAÑERO DEL ALMA

Ao noso compañeiro da alma, José Ángel. Por sempre e para sempre.

NOVO CURSO, NOVAS PROPOSTAS

Comezamos a nosa andaina convidándovos a que, unha vez máis, participedes nas actividades da biblio. Temos moitas propostas que, pouco a pouco, iredes coñecendo. Polo momento, sabede que xa estamos iniciando un novo proxecto:

Bibliomedia: unha invitación á comunicación

E, por suposto, queremos convidarvos a disfrutar coa lectura na nosa biblioteca.

Seguiremos informando e comunicando! 

FIN DE CURSO NA BIBLIOTECA

Rematamos o curso co Premio á mellor biblioteca de aula (1º ESO F) e co Premio á mellor aula ambientada co tema do proxecto Rescatando culturas, para 4º ESO C.

Queremos agradecer a colaboración de todo o profesorado, que se implicou nas actividades que promoviamos, e, por suposto, de todo o alumnado.

Tamén temos que despedir a Sira, a excelente coordinadora do Club de Lectura. Desexámoslle moita sorte no seu novo destino e botaremos de menos a súa axuda e implicación en achegarlle á nosa mocidade o placer de ler.

Moitas grazas, Sira, pola túa adicación.

4º ESO C, premio á aula mellor ambientada co tema Rescatando culturas.

 

A BIBLIOTECA NAS XORNADAS DE COEDUCACIÓN

A nosa biblioteca participou hoxe nas Xornadas formativas, Xénero e diversidade afectivo-sexual nas aulas. Ferramentas e experiencias educativas, organizadas polo Concello de Vilagarcía. Agradecemos á organización e a Paloma García a posibilidade de amosar o traballo do equipo de biblioteca como promotora da coeducación.

                     

               

IV CONCURSO DE TRABALLOS POR PROXECTOS: DESCUBRIMENTOS E INVENTOS

A Biblioteca vén de gañar un dos premios do IV Concurso de Traballos por Proxectos convocado pola Consellería de Cultura, Educación e Ordenación Universitaria, na modalidade Proxectos Documentais Integrados coordinados desde a Biblioteca escolar. A resolución da convocatoria aparece hoxe publicada no DOG. 

Como coordinadora, quero agradecer ao equipo da biblioteca (Sonia Omil, Mila Torrado, Mariola Rodríguez e Carlos Cid) o seu traballo,  o seu esforzo e o seu ánimo para que este proxecto saíra adiante. Son moitas as horas de adicación que merecen ser recoñecidas.

Tamén debo agradecer ao profesorado a boa predisposición para implicarse nos proxectos que, desde a biblioteca, propoñemos. Somos conscientes de que, ás veces, supón un grande esforzo pero, aínda así, deciden adicarlle algunhas sesións a ver algún dos contidos curriculares enlazados coas nosas propostas. O certo é que a implicación do profesorado é indispensable para facerlle chegar o proxecto ao alumnado.

Comparto con todos e todas vós o proxecto que presentamos e o blog no que está aloxado. 

E, de novo, grazas pola vosa colaboración.

Descubrimentos e Inventos. IV Concurso por Proxectos

Blog Descubrimentos e Inventos

ENTREGA DE DIPLOMAS AO ALUMNADO VOLUNTARIO

O mércores, no recreo, entregamos os diplomas a Andrea, Laia e Miguel, o alumnado voluntario da biblioteca o curso pasado. Queremos agradecer a súa axuda e tamén esperamos que, este curso, sigan a colaborar con nós.

Nos vindeiros días poñeremos información nos taboleiros e neste blog para todos aqueles e aquelas que queirades formar parte do voluntariado este curso.

Voluntariado da biblioteca escolar