DÍA DAS BIBLIOTECAS

Nada mellor que conmemorar o Día das Bibliotecas convidando ao alumnado a coñecer todos os recursos que lle podemos ofrecer, as actividades nas que pode participar e mostrarlle as diferentes seccións e como atopar os libros. Especial atención adicámoslle a 1º ESO por ser o primeiro ano que están no instituto.

                        

SEGUIMOS COA FORMACIÓN

Seguimos coa formación de usuarios e usuarias. Esta vez foi a quenda de 1º ESO E. Tamén este alumnado atopou os libros que levaban a adiviñar o nome do PDI deste curso. Parabéns!!

DÍA DAS BIBLIOTECAS

O 24 de outubro é o Día das Bibliotecas, así que aproveitamos para que a rapazada de 1º ESO veña á Biblioteca. Estes días seguiremos facendo a formación de usuarios e usuarias. Informaremos do funcionamento, das normas, dos préstamos, das actividades que realizamos..., de todas esas cousiñas que debe coñecer o alumnado que, por primeira vez, chega ao noso centro.

O alumnado de 1º ESO B foi o primeiro en "formarse" e pasar un rato agradable, facendo un acróstico. Tiñan que buscar títulos de libros e nomes de personaxes para averiguar o tema do PDI deste curso. E conseguírono!!!

A BIBLIOTECA E A IMAXINACIÓN

Presentamos, aínda que con un pouco de retraso (esta entrada deberíase ter publicado o Día das Bibliotecas), unha pequena selección de relatos e debuxos do alumnado de 1º ESO B e E. O tema, A Biblioteca víctima da COVID-19. 

Estas historias forman parte dun traballo realizado na materia de Lingua Castelá e Literatura. Alumnas e alumnos demostraron as súas dotes creativas e, por iso, debemos felicitalos.

Parabéns!

La Biblioteca víctima de la COVID-19 de Biblioteca Castro Alobre

EXPOSICIÓN VIAXEIRA

As fotos  de Antonio Pampliega que formaron parte da campaña solidaria O seu futuro depende de nós, desenvolvida dentro do proxecto Rescatando culturas, viaxaron ao IES de Vilalonga para, no Día das Bibliotecas, lembrarse de todas aquelas persoas que son unhas auténticas supervivintes.

Esperamos que o profesorado e alumnado de Vilalonga valore e disfrute esta exposición como o fixemos nós no seu día. 

Queremos agradecer á biblioteca do centro o seu interese por este traballo e a difusión do mesmo.

        

               +info http://abeiradaspalabras.blogspot.com/2019/10/dia-da-biblioteca.html

DÍA DAS BIBLIOTECAS

O 24 de outubro conmemórase o Día das Bibliotecas. Este ano a Dirección General del Libro y Fomento de la Lectura ademais de incorporar o lema "Aptas para todos os públicos", céntrase en destacar a importancia das bibliotecas na promoción da igualdade de xénero. A nosa biblioteca súmase a esta proposta e achega á comunidade educativa libros de autoras galegas e castelás. Tamén vos convidamos a ler o pregón de Gemma Pascual, traducido ao galego por Héctor Cajaraville.

DÍA DA BIBLIOTECA

O 24 de outubro celébrase o Día da Biblioteca. Este curso queremos darvos a coñecer distintos proxectos, postos en marcha por persoas particulares ou asociacións, ao longo de todo o mundo.  Todas as persoas implicadas neles apoian a creación de bibliotecas e pasean libros, realmente viaxeiros. O obxectivo: fomentar a lectura en lugares de difícil acceso ou en barrios con dificultades para acceder a eles. Son as bibliotecas ambulantes e o noso proxecto Aprendendo cos libros. Paséate pola biblioteca.

Aprendendo cos libros from Biblioteca Castro Alobre

DÍA DA BIBLIOTECA 2016

Como cada ano, desde 1997, o 24 de outubro commemórase o Día da Biblioteca, unha iniciativa da Asociación Española de Amigos del Libro Infantil y Juvenil. Esta data recorda a destrución da biblioteca de Sarajevo incendiada o ano 1995 durante a Guerra dos Balcanes.

Este ano o cartel do Día da Biblioteca difunde o texto do pregón encargado a Ledicia Costas, moi coñecida para todos e todas nós. A ilustración é de Elena Odriozola, Premio Nacional de Ilustración no ano 2015.

Reproducimos as palabras de Ledicia Costas extraídas de Facebook:

Ledicia Costas

4 de octubre a las 10:50 · 

Hoxe fíxose público o cartel do Día da Biblioteca. Cando me encargaron este texto que ilustrou a grande Elena Odriozola (último Premio Nacional de Ilustración), sentinme moi afortunada. Pego a continuación a tradución ao castelán, que é a versión que viaxará por todas as bibliotecas nas vindeiras semanas. Feliz Día das Bibliotecas!