PRESENTACIÓN DO LIBRO SUSO VAAMONDE...

O noso compañeiro, Fernando Fernández, profe de Física, presentou na Casa da Xuventude o seu libro Suso Vaamonde, a canción libre e comprometida dun pobo, dentro da Feira da cultura portugalega da que falamos na anterior entrada. Ademais, outro compañeiro, Alberto Parada, profe de Lingua e Literatura castelá, e Patty Castro interpretaron o poema de Bernardino Graña musicado e interpretado por Suso Vaamonde, Como hei vivir mañá sen a luz túa?

Desde a biblioteca recomendamos o libro de Fernando e felicitamos a Andrés e Patty por tan fermosa interpretación.

FEIRA DA CULTURA PORTUGALEGA

Marisa Moreda, profe de Lingua e Literatura galega, desenvolveu un extraordinario proxecto co alumnado de 4º A e B, un traballo colaborativo de "distintos aspectos da cultura portuguesa e galega co fin de adquirir coñecemento e transmitilo a todas as persoas que visitaron a Feira". Coa colaboración de Xuventude e Arousa Moza presentáronnos diferentes actividades como xogos culturais, photocall e xogos para crianzas, curso "Aprende portugués en 10 minutos", un espazo musical e un obradoiro de gastronomía galega e portuguesa impartido por alumnas de 4º A e B baixo a coordinación da empresa "Aínda máis animación".

Esta Feira comezou coa presentación do libro Suso Vaamonde, a canción libre e comprometida dun pobo de Fernando Fernández Rego, profesor do noso instituto. 

Felicitamos a Marisa por levar a cabo este proxecto e, por suposto, ao alumnado que o fixo posible.

👏👏👏

A profe Marisa presentando a Feira

Presentación do libro

                             

AS IMAXES DO ABSTRACTO E AS IMAXES DESCOMPOSTAS

As imaxes do abstracto foi a aportación do alumnado de 1º de bacharelato de Volume ao PDI coordinado pola biblioteca.

As imaxes descompostas foi o proxecto do alumnado de 4º ESO de Plástica.

As imaxes do abstracto e as imaxes descompostas

IMAXE E SON

O alumnado de 2º de bacharelato A, B, C e D da materia Imaxe e Son sumouse ao PDI coordinado pola biblioteca As palabras en imaxes. Este vídeo, creado por Andrea Cortés e Lía Pérez, é un dos produtos finais.

Para ver o vídeo clica aquí👉https://vimeo.com/718243736

EN QUE ESTARÁN PENSANDO?

A Guerra de Troia é unha historia que atrae ao alumnado de Grego. Este curso as alumnas interpretaron e reinterpretaron os mitos a través dos cadros que nos foron deixando os pintores ao longo da historia. Mitoloxía, lingua, cultura, arte... diferentes disciplinas para formar culturalmente á mocidade. 

VILAGARCÍA, A NOSA CIDADE

O alumnado de 3º PMAR reflexionou e fotografou aquelas cousas que lle gustaban de Vilagarcía e aquelas que non. Foi a súa contribución ao proxecto da biblioteca.

FOTOGRAFÍA MATEMÁTICA

Un concurso de fotografía, no que puido participar todo o alumnado do centro, foi a temática elixida para o proxecto deste curso.

NOTRE HISTOIRE FAIT DU BRUIT

Notre histoire fait du bruit é o título do proxecto do alumnado de francés (primeira lingua) de 2º ESO.

Así foi a elaboración do proxecto. Elaboraron a historia e...

leron o cómic

En 1º de bacharelato adicaron o proxecto a Encontrar imaxes nas palabras e palabras nas imaxes.

PDI As palabras en imaxes

Leer más publicaciones en Calaméo

IMAXES PARA ESPERTAR CONCIENCIAS

Foron varios os departamentos que se implicaron no PDI coordinado pola biblioteca, As palabras en imaxes. Chegada a fin de curso, iremos publicitando no blog os proxectos do alumnado.

O equipo da Biblioteca agradece a colaboración do profesorado e fecicita ao alumnado polo seu traballo.

Comezamos co Departamento de Bioloxía que tratou un importante tema, Imaxes para espertar conciencias.

LETRAS NO ALOBRE SOLIDARIAS

Nas Letras no Alobre o alumnado de 1º ESO elaborou uns preciosos marcapáxinas que serviron para recadar fondos para os menores do Corno de África, unha iniciativa de Save the Children que a Biblioteca promoveu no noso centro. Queremos agradecer ao profesorado e ao alumnado implicado a súa colaboración e, por suposto, darlle unhas especiais grazas aos membros da comunidade educativa que foron solidarios e apoiaron este proxecto. Nesta presentación podedes ver unha selección de momentos desta actividade.