xoves, 30 de xaneiro de 2020

DÍA DA PAZ

Este 30 de xaneiro lembramos a menores que viven en países en guerra. A pesar das secuelas físicas e psíquicas de moitos deles, transmiten unha mensaxe positiva "Gustaríame estudar", e como manifesta Grace Akalla de Uganda (15 anos) "A escola é a mellor cousa que me pasou. A educación dábame esperanza. Eu tiña esperanza no futuro". Palabras para reflexionar

Información e fotos extraídas de "Ser niño en...",               
 El País https://elpais.com/elpais/2018/11/08/planeta_futuro/1541699867_806407.html
E esta é a selección de lecturas que trae a pomba da paz


E a selección de películas


Agradecemos ao alumnado voluntario a súa colaboración nesta actividade.


domingo, 26 de xaneiro de 2020

XUNTANZA DO CLUB DE LECTURA

O Club de lectura O Labirinto volve as súas xuntanzas despois do descanso do Nadal. A primeira do ano foi moi relaxada. Estivemos ultimando as ilustracións do libro de Los viajes de Gulliver, en versión "club". Quedou rematado e agora o alumnado do Colexio de Educación Especial o encuadernará. Volverémonos xuntar en quince días para ver a película. Mentres estamos a decidir que libro será o seguinte. Iso si, xa sabemos que será poesía.

                

 


UN DÍA DE ENSAIO

O alumnado de teatro de 1º ESO A e D achéganos unha foto dun ensaio de antes do Nadal. Esperamos que nos conten máis cousiñas sobre esa obra dirixida pola profesora Irene Romo.


martes, 21 de xaneiro de 2020

VOLUNTARIADO NA BIBLIOTECA

Co comezo do ano queremos falarvos do noso grupo de voluntariado. Son alumnos e alumnas de 1º, 2º, 3º e 4º de ESO que nos están axudando moito na preparación de actividades e na organización da biblioteca. Nestas fotos podedes velos nalgunhas das tarefas nas que colaboran.


Moitas grazas a todos e todas e, tamén, á profe Irene.