DÍA INTERNACIONAL CONTRA A VIOLENCIA DE XÉNERO

BURBULLA CULTURAL

A Burbulla Cultural comeza a súa andaina. Os mércores, ás 11 horas na Biblioteca, podedes amosarnos as vosas habilidades (facer maxia, cantar, ler, bailar, tocar un instrumento,...). Pásate pola Biblio, se queres máis información.

E para inaugurar este "recuncho de expresión" ninguén mellor que o noso mago Christián, ao que todos e todas coñecedes.
A súa actuación será o mércores 23 ás 11 h.

VII XORNADAS DE BIBLIOTECAS ESCOLARES

O 18 e 19 de novembro celébranse, en Santiago de Compostela, as VII Xornadas de Bibliotecas Escolares de Galicia. Este ano invitaron a nosa biblioteca para que participe nunha das mesas de experiencias. Será a coordinadora da biblioteca a encargada de presentar o Proxecto Documental Integrado que desenvolvimos durante todo o curso anterior: as Bibliolimpiadas.

Déixovos aquí a presentación que faremos o día 19.

As Bibliolimpiadas, unha carreira de fondo de Biblioteca Castro Alobre

DÍA DO INVENTOR E DA INVENTORA

Este curso a biblioteca coordina un novo proxecto, "Descubrimentos e inventos". Esperamos contar coa colaboración dos Departamentos e coa implicación e participación do alumnado nas nosas propostas.

Hoxe, 9 de novembro, celébrase o Día do Inventor e da Inventora.

 Queremos que empecedes a descubrir e a investigar. E nada mellor para isto que unha imaxe... 

e dúas preguntas moi sinxelas.

"UN INVENTO, UNHA HISTORIA"

Xa temos o concurso do primeiro trimestre "Un invento, unha historia". Le as bases e participa. O prazo de entrega remata o 2 de decembro. Poderás gañar unha cámara acuática.