UNHA GRANDE OBRA

A exposición picassiana xa se pode ver no taboleiro da biblioteca. Todo un exemplo a seguir.

PICASSO 2023

No Club de lectura quixemos adicarlle un espazo á creatividade. Na xuntanza co Colexio de Educación Especial lemos unha pequena biografía de Picasso. Para rematar a sesión, nada mellor que imitar a este grande pintor e o resultado foi marabilloso.

Pasámolo tan ben que xa esperamos a seguinte xuntanza que, por certo, será a última deste curso. Teremos algunha sorpresa?

FILOSOFÍA SEN LÍMITES

O departamento de Filosofía implícase no PDI "Sen límites" co alumnado de 4º ESO. Estiveron na biblioteca misturando lectura en papel e novas tecnoloxías, necesarias para elaborar unha presentación en PowerPoint.

Consultaron, entre outros: Darwin de Tim M. Berra e Mujer, raza, clase de Angela Davis.

LENDO NA BIBLIO

 Na semana de lectura tamén o alumnado de Francés e de Inglés pasou pola biblio para ler nesta lingua.

Agradecemos a súa participación na conmemoración do Día do Libro.

DESCONOCIDOS

 Desconocidos irrumpiu con forza no Club do alumnado. Gustou moito este libro de David Lozano. Foi unha xuntanza interesante que deu moito que falar. Os Curuxainos e Curuxainas anímanse cada vez máis a compartir os seus puntos de vista sobre as lecturas.

Máis info en http://clubdelecturacuruxaina.blogspot.com/2023/05/no-club-de-lectura-falamos-de.html