MEMORIA DO SILENCIO

   Hoxe tivemos unha visita excepcional. O alumnado de 4º ESO compartiu con Eva Mejuto unha conversa literaria. O tema, o seu libro Memoria do silencio. Contounos a poca información que temos das irmás Touza e da súa contribución á fuxida de moitas persoas xudías desde a súa Ribadavia natal.

    Foi un pracer escoitar como foi construíndo esta historia e como foi perfilando os personaxes. Tamén nos explicou as distintas voces narrativas e a súa importancia na perspectiva que lle quería dar ao relato.

    Uns momentos literarios que aportaron unha visión diferente do nazismo e, sobre todo, moi descoñecida para o alumnado.