Entre visillos de Carmen Martín Gaite transportounos a uns anos atrás que parecen lonxanos, pero non o son tanto. Unha lectura que gustou e que nos recordou a vida das nosas nais ou avoas. As aspiracións das mulleres, a dificultade en romper coas normas impostas ou o sufrimento calado son algúns dos temas que planean nesta lectura.
Convén non esquecer esta forma de vida, para poder valorar como se merece a loita de moitas mulleres. Grazas a elas, podemos desfrutar da vida que temos hoxe.
Hipólito de Eurípides foi a outra lectura coa que se atreveron algunhas Curuxainas. Volvemos á traxedia grega, despois de ter lido Medea. Impactante monólogo de Hipólito, o papel da nodriza como celestina, a terrible decisión de Fedra e, por suposto, a intervención desa deusa Afrodita que, para vingarse de Hipólito, utiliza a Fedra. Divinidade vingativa.
Ningún comentario:
Publicar un comentario